Gira tu dispositivo a modo "landscape"
Gira tu dispositivo a modo "landscape"
Batzuetan, testuingurutik kanpo, omnikanalitateari eta digitalizazioari buruz hitz egiten entzuten badugu, bekokia ilunduko zaigu, hori guzti hori, zehatz-mehatz, zer den ez dakigulakoan… Baina prozesu horiek zertan oinarritzen diren jakin bezain laster, ikusi ahal izango dugu zer diren eta guretzat zertan izan daitezkeen lagungarriak. Izenpe digitalari esker ohar gaitezke gestioak bulegora joan behar izan gabe, ordenagailutik edo mugikorretik gauza asko egiteko aukera dugula.
Horretaz jabetu ahal izateko, pentsa ezazu Izenpe digitalarekin zenbat gestio egin ditzakezun: kontu bat ireki, bi pertsonaren izenean izenpetu edo zorro delegatuak kontratatu inbertsioak helburu gehiagotan kokatu ahal izateko. Hori guzti hori egin daiteke bulegora jo behar izan gabe eta kudeatzaile pertsonalarekin aurrez aurre egiteak ematen duen balio legal berarekin. Tresna digitalei eta modu seguruan balidatzeko sistemei esker, prozesu guzti horiek eta askoz gehiago egin daitezke.
Esate baterako, tresna hau oso baliagarria da bikotekidearekin kontua partekatzen baduzu eta biok bien izenean tramite bat formalizatu behar duzuenean: nahikoa da bietako bat bulegora joatea eta bestea Online Bankan edo Kutxabanken App-an “Hasitako tramiteak” izeneko atalean sartzea bere baimena emateko. Eta kitto!
Edo imajinatu OK Kontua ireki behar duzula baina bidaiatzen zabiltzala: Izenpe digitalarekin erraz-erraza daukazu. Kontratuaren azken eredua prest egotean, mugikorrean mezu bat jasoko duzu, app-an sartzeko eta izenpetzeko. Badago eginda! Tramite bat amaitzeko jarduera ekonomikoari buruzko dokumenturen bat (nomina, pentsioa…) bidali behar duzunean, egin argazki bat eta bidali app-aren bidez. Erraz baino errazago.
Izenpe digitala, zauden lekuan zaudela, bankako eragiketak egiteko tresnarik onena da: Ez duzu boligraforik, hitzordurik edo bertara hurbildu behar izango eta aurrez aurrez egindako eragiketen balio legal bera edukiko du. Une orotan jarraitu beharreko pausuen berri izango duzu bidaltzen ibiliko garen mezuei esker.
Kutxabankek omnikanalitatearen alde egindako hautuaren adibideetako bat dugu Izenpe digitala. Haren bidez, urruneko bankuarekin harremanetan jar zaitezke, gehien komeni zaizun kanala erabiliz: aurrez aurre, Online Bankaren bidez edo App Mugikorraren bitartez.
Izenpe digitala dela eta, zalantzarik baduzu edo Urruneko kudeaketaren aukerei buruz gehiago jakin behar baduzu, begiratu horren inguruko informazioa Kutxabanken webgunean, sartu Laguntza orrian edo galdetu zeure kudeatzaileari.
