Interneteko iruzurrak eguneroko suertatzen dira. Zibergaizkileek pertsona batzuen beldurra, ezagutza falta eta despisteak baliatzen dituzte beren datuak lortzeko eta, horrela, kontuetatik dirua lapurtzeko. Aholku hauei jarraitzea gomendatzen dizugu:
- Ez partekatu inorekin Kutxabanken zure banka elektronikora (webgune edo aplikaziora) sartzeko pasahitzak. Gako horiek zure datu pertsonal, diru eta banku-produktuak babesten dizkizute (Bizum barne).
- Ez eman inondik inora informazio pertsonala edo finantzarioa dei, mugikor bidezko mezu edo posta elektroniko bidez, ezta bitarteko horien bidez jasotako esteka bidez ere. Kutxabankek ez dizu inoiz bitarteko horien bidez eragiketak egiteko eskatuko. Horretarako, Banka Digitaleko kanaletan sartu besterik ez duzu egin behar (webgunera eta telefono aplikaziora).
- Babestu zure gailuak malwarearen aurrean. Ez zabaldu posta elektronikoz, SMS bidez edo beste iturri elektronikoetako mezuen bidez iristen diren fitxategiak edota estekak, baldin eta arrotzak badira edo helbide ezezagunetatik badatoz. Saiatu nabigatzailea, sistema eragilea eta betiere iturri ofizialetako aplikazioak eguneratuta edukitzen. Gomendagarria da, halaber, antibirusak eta antimalware programak instalatuta edukitzea.
- Ez utzi inori zure gailu mugikorra eta ez partekatu inorekin. Kontuan izan zure mugikorra Kutxabanken identifikazio- eta segurtasun-mekanismo nagusietako bat bihurtu dela banku-eragiketak baliozkotzeko, Bizumenak barne.
- Diru-transferentzia edo Bizuma jasotzen baduzu, zenbatekoa automatikoki agertuko da zure banku-kontuan, eta Kutxabanken jakinarazpen bat jasoko duzu informazioa emateko. Ez duzu beste gestiorik edo balidaziorik egin behar izango.
- Dirua Bizum bidez bidaltzeko eskaera jasoz gero, irakurri arretaz jasotako SMS mezua edota jakinarazpena. Egiaztatu zenbatekoa eta hartzailearen izena zuzenak direla. Dirua bidaltzeko eskaera onartzeko, beharrezkoa da KBPay sartzea eta bigarren baliozkotze-faktore bat sartzea. Dirua bidaltzeko eskaera identifikatzen ez baduzu, ez onartu.
- Bizum duen merkataritza elektronikoaren bidez erosketak egiten badituzu, egiaztatu konfiantzazko webgunea dela. Ziurtatu beti nabigatzailearen helbide-barra https '-rekin hasten dela, giltzarrapo bat erakusten duela eta erosketa egin nahi duzun saltokiari dagokiola.
- Kontuz ibili partikularren arteko erosketetan. Pagotxaren bat saldu nahi badizute edo saltzailea tematiegia bada, ez fidatu. Saltzailea zu zarenean, ziurtatu transferentzia edo Bizumetik dirua jasotzekoa zarela, eta ez Bizum bidez ordaintzea eskatzen dizutela. Bestalde, eroslea zarenean, ordainketa egin aurretik produktuaren egiazkotasuna eta baldintzak egiaztatzea gomendatzen dizugu.
- Jakinarazi edozein mugimendu susmagarri eta salatu edozein iruzur kasu Segurtasun Indarren aurrean.
