Gira tu dispositivo a modo "landscape"
Gira tu dispositivo a modo "landscape"
Hemen daukazue ikasturte honetarako prestatu ditugun aisialdi eta heziketa proposamenak, Gaztedi Planaren titularrentzako pentsatuak.
Zuen gustukoak izatea espero dugu.
Ur Kanpusa Getxon (Bizkaia) egiten den haurrentzako euskarazko udako campusa da. Goizak modu dibertigarrian pasatuko dituzte ur-jarduerak egiten. Horrez gain, txangoak egingo dituzte hondartzara, eta «Ocean Cleaning» programan parte hartuko dute. Programa horren barruan, hondakinak jasoko dituzte kayakean, ingurugiroaren zaintzaren inguruko sentsibilizazioa pizteko.
Programa jolasekin, ginkanekin eta hondartzako kirolekin osatuko da, itsasoaz eta lagun berriez gozatzeko.
Euria egiten duenean, Algortako Cerebrito Pérez gunean egingo dira jarduerak.
Udalekuak 6 eta 13 urte bitartekoentzat dira. Prezio berezia Gaztedi titularrentzat.
Lur Kanpusa Eskola Uluwatu Camps-ek haur eta nerabeentzat antolatu dituen udalekuak dira. Neska-mutilek euskaran murgiltzeko aukera izango dute eta Urduñatik (Bizkaia) gertu dagoen Tertangako aterpetxean hartuko dute ostatu. Leku lasaia da, Tologorri mendiaren magalean.
Udalekuaren programa eskualdeko ekosistemetan oinarritzen da. Horretarako, makina bat jarduera antolatu dira: ingurunea (ibaia, belardia, baso naturala eta landatua) ezagutzeko hainbat txango, bisitaldia zero kilometroko marmelada ekologikoaren ekoizleei, sukaldaritza tailerra sasoiko produktuekin, txangoak, ginkanak eta ongi pasatzeko beste hamaika ekintza.
Udalekuak 7 eta 13 urte bitartekoentzat dira. Prezio berezia Gaztedi titularrentzat.
Oporrak jolasteko garaia dira, ondo pasatzeko betiko lagunekin eta baita lagun berriak ezagutzeko ere. Horregatik, 6 eta 11 urte bitarteko gaztetxoei “Euskera ikasi mugituz” (multi-campusa) npusean gozatzeko aukera eman nahi die Gazteolak 2025eko udan berriz ere, goizak era dibertigarrian emateko osagai guztiekin eta euskara hutsez: jolasak, kantuak, eskulanak, tailerrak, txangoak…
Eta 12tik 15 urtera bitartekoentzat Euskara Eskola: arrastaka daramaten ikasgaia baldin bada, edota euskaraz hitz egitea edo gramatika oztopo badira, udan aukera dute lantzen jarraitzeko, ondo pasatzen duten bitartean.
Eta 16 urtetik aurrera, Bakaikuko Barnetegia. Gaztedi programaren barruan baita ere.
Primeran pasako dute Gazteolan! Gaztedi izatearekin abantaila izanik!
Zure seme-alabak jolastea, salto egitea, korrika egitea, zuhaitzetara igotzea eta esploratzea gustuko badu, eskaladak hori guztia segurtasun eta konfiantza handiagoarekin egiteko aukera emango dio. Jarduera anitzeko campus honetan egiten diren tailer anitzetan eta gaikako ginkana dibertigarrietan, kirola egiteaz gain, koordinazioa, oreka, kontzentrazioa eta arazoen ebazpena lantzen dira jolasaren bidez.
Gainera, Bicampusetan, emozioak kudeatzen, beldurrak gainditzen eta beren buruarengan eta besteengan konfiantza izaten ikasiko dute.
Derioko Biwak Experience gunea, entrenamendurik onena egiteko instalazioekin eta segurtasuna erdigunean jartzen duen ingurune egokituarekin.
Bertako jatetxean bazkaltzeko aukerarekin.
6 eta 12 urte bitartean badituzu, bizi ezazu dibertsioz, abenturaz eta ikaskuntzaz beteriko esperientzia bat. Jolasak, kirolak, jarduerak aire zabalean eta sormen-tailerrak ingurune seguru eta motibagarri batean. Astebeteko txandak uztailean eta abuztuan.
Ginkanak eta kirol olinpiadak; slackline eta piraguismoa; arku-tiroa eta rokodromoa; tirolina eta mendi-irteerak; Herri kirolak eta joko kooperatiboak; tie-dye tailerra eta eskulanak.
Animatu eta etorri Gorlizko aterpetxera goizak modu dibertigarrian pasatzera.
Futbol irakaskuntza pertsonalizatua, hastapen eta hobekuntza mailetan. Kirol anitzeko jarduerak txikienentzat.
Kirola, ondo pasatzeko eta ikasteko tresna. Futbola eta jarduera osagarriak udan (zinema, tailerrak, etab.). Atezainekin trebakuntza berezia. Emakumezkoen futbol campusa Deustun.
Uda honetan martxan jarriko ditugu berriro Hizkuntza programak!
%100eko ingeles udalekuak Tarazonan (Aragoi). Klaseak eta jarduera ezberdinak inglesa praktikatzen duten bitartean ederto pasa dezaten. 8 urtetatik 14ra bitartean. Uda honetan, etxetik gertuago ingelesa hobetu ahalko dute Tarazonako udaleku hauetan.
Eta atzerrian esperientzia ahaztezin bat bizi dezaten, Irlandan, Canada, Maltan eta Erresuma Batuan, ingeleseko eskolak, jarduerak eta txangoak uztartzen dira. Estatu Batuetan, Floridan eta Ingalaterra Berrian, familiekin bizitzeko programak modurik onena dira Amerikako kulturan murgiltzeko eta ahozko ingelesa praktikatzeko.
Egonaldiak baita Frantzian eta Alemanian ere!
Kontsultatu programa osoa. Azken plazak eskuragarri.
Eureka! Zientzia Museoak aurtengo gabonetan udaleku dibertigarriak proposatu nahi ditu hauen oinarri nagusia zientzia, astronomia eta teknologia izango direlarik. Jolasaren eta esperimentazioaren bidez, txikitatik ezagutza, sormena, irudimena eta pentsamendu zientifikoa ezagutzeko jakin-mina sustatu nahi dugu.
Udaleku teknologikoak, Gaurkotek enpresaren eskutik: Robot baten diseinua, eraikuntza eta programazioa izango dira udaleku hauetako protagonistak, haur bakoitzaren benetako sormena askatuz. Udaleku hauek 8-14 urteko haurrentzat dira.
Eureka! Zientzia Museoak aurtengoudaran udaleku dibertigarriak proposatu nahi ditu hauen oinarri nagusia zientzia, astronomia eta teknologia izango direlarik. Jolasaren eta esperimentazioaren bidez,
txikitatik ezagutza, sormena, irudimena eta pentsamendu zientifikoa ezagutzeko jakin-mina sustatu nahi dugu. 12 urtetik aurrerakoentzat.
Zientzia zaporea duten sormenezko jarduerez betetako egunak Eureka! Zientzia Museoan!
4 eta 10 urte bitarteko umeentzat.
Bela ikastaroak, itsasoaz gozatzeko. 1.500 ikaslek baino gehiagok parte hartzen dute urtero Eskolak eskaintzen duen prestakuntza-programan: adin eta maila guztietarako ikastaroak, ontzi mota desberdinetan, eta bela egokituko eskolak, banan-banako eskolak edota eskola pertsonalizatuak, itsasoko titulazioak, etab. Etorri belaz gozatzera Jose Luis Ugarte Bela Eskolan!
Eurekako ANIMALIA! Zientzia Museoa hiru ingurune birsortzen dituen aretoa da: oihan tropikala, basamortua eta itsasoa, itsas putzu baten bidez.
Programatutako bisita gidatuak: langile espezializatuek hiru ekosistema horietako fauna erakutsiko digute, eta arriskurik ez duten animaliak ukitu ahal izango dituzte, animaliekiko eta haien ingurumenarekiko dugun jarrera hobetzeko.
Asteburuetan: 11:30, euskaraz - 17:00, gaztelaniaz
Ezagutu sormenaren eta teknologiaren unibertso zirraragarria Bilboko eta Algortako Camp Tecnologikoko kanpamentuetan. 6-17 urteko haur eta nerabeentzat, programazioa, elektronika eta robotika modu dibertigarrian ezagutzeko aukera, adin bakoitzari egokitutako jardueren bidez.
Aste Santu eta uda honetan:
🔩 Robotika sortzailea: LEGO programagarria Kodu, Scratch eta MakeCode Arcade taldeekin. 🛠️Elektronika interaktiboa: Mikro: bit duten gailuak sortzea. 🎮 Bideojoko hezigarriak: Garapena Minecraften eta, 12 urtetik gorakoentzat, programazioa Unityrekin.
Helburua parte-hartzaileek oinarrizko trebetasun digitalak eskuratzea da, sormena eta pentsamendu logikoa sustatuz.
Bizi ezazu etorkizuneko talentua bultzatzen duen esperientzia teknologiko paregabea!
Zatoz abentura parke izugarri hau ezagutzera: eskalada-murru, zubi tibetar, sare eta tirolinez osaturiko zirkuituaz gain, paintballa, arku-tiroa edo bestelako jarduerak egin ahal izango dituzu Ebro ibaian eta Sobrongo urtegian; kayaka, SUP edo BiG SUPa, esate baterako. Igerilekua, kafetegia eta piknik-gunea ere baditu.
Euskaraz egin daitezkeen ekintzak
Ingelesez egin daitezkeen ekintzak
Familiarekin egin daitezkeen ekintzak
