1. Ziurtatu Kutxabankeko orrialde seguruetako batean zaudela. Horretarako, idatzi zuk zeuk helbidea eta ez sartu jaso duzun estekaren baten bidez. Gainera, helbide-barraren ondoan, giltzarrapo itxi bat agertuko da beti, komunikazioa zifratuta dagoela adierazteko. Horren gainean bi klik eginez, SSL segurtasun-ziurtagirira bistaratu ahal izango duzu, eta bertan ziurtagiria eman duen erakundeari, baliozkotasun-datei eta komunikatzen ari den zerbitzariari buruzko informazioa izango duzu.
Kutxabankek honako helbide hauek ditu Online Bankan sartzeko:
2. Errespetatu arau hauek zure sarbide-gakoa eta eragiketak baimentzeko gakoak sortzeko eta zaintzeko orduan:
- Kutxabanken orrialdeetatik kanpo, ez duzu inoiz zure datu pertsonalik edo gakorik eman behar. Horri dagokionez, Kutxabankek bermatzen dizu inoiz ez dizkizula datu konfidentzial horiek posta elektronikoaren, telefonoaren edo tankera horretako beste edozein baliabideren bidez eskatuko.
- Era berean, ez sartu sekula Online Bankan edozein motatako mezutan jasotako esteken bidez (ikusi phishing atala).
- Ez eman sekula zure gakoak, Kutxabankera telefono bidez sartzen zarenean izan ezik, 900 44 55 66 telefono-zenbakiaren bidez. Kutxabanken izenean zurekin harremanetan jartzen badira mezu edo dei baten bidez, eta adierazten badizute segurtasun-arrazoiengatik edo sistemak ondo dabiltzan ziurtatzeko zure gakoak, eragiketak baimentzeko gakoak, mugikorraren zenbakia edo edozein identifikazio-mota behar dituztela, ez fidatu eta jarri gurekin harremanetan, aurretik adierazitako telefono-zenbakiaren bidez.
- Online Banka zerbitzurako konexioan edo Kutxabankera telefonoz deitzen baduzu soilik erabil dezakezu zure sarbide-gakoa.
- Ez erabili erraz asma daitekeen gako bat: jaioteguna, autoaren matrikula, NAN... Erabili ausazko gakoak eta noizbehinka aldatu.
- Gorde ondo zure sarbide-gakoa, ez idatzi inon eta ez gorde zure ordenagailuko fitxategietan.
- Aldatu zure gakoa noizbehinka.
- Kutxabanken jakinarazi duzun mugikorraren zenbakia aldatu behar baduzu, gure kutxazainetan edo bulegoan egin dezakezu.
- Gakoa pertsonala da, eta ez duzu inorekin partekatu behar. Enpresen Online Bankan, Internet bidezko kontuetarako sarbidea duten hainbat pertsona egon daitezkeenean, bakoitzak bere gakoa eduki eta zaindu beharko du.
- Gogoan izan, zerbitzuaren titularra zaren aldetik, zeure gain hartzen duzula sarbide-gakoarekin eta eragiketak baimentzeko gakoekin egiten den edozein eragiketaren erantzukizuna.
3. Jarraitu gure gomendioak zure ordenagailua eguneratuta edukitzeko eta arriskurik gabe nabigatzeko:
- Instalatu antibirusen bat zure ordenagailuan eta noizbehinka eguneratu. Horrez gain, firewall edo suebaki pertsonal bat instalatuta izatea komeni da, jasotzen duzun edota sarera bidaltzen duzun informazioa iragazteko.
- Eguneratu aldizka zure ordenagailuko aplikazioak (sistema eragilea, Interneteko nabigatzailea, posta elektronikoaren kudeatzailea...) fabrikatzaileek argitaratutako segurtasun-adabakiekin edo -eguneratzeekin.
- Erabili beti zure nabigatzaile gogokoenaren azken bertsioa, zifratze-protokolo seguruena erabili ahal izateko.
- Ireki aurretik, aztertu jasotzen dituzun mezu elektroniko guztiak. Zalantzarik izanez gero (bidaltzaile ezezaguna, bidali ez duzun mezu baten erantzuna...), hobe da ezabatzea eta paperontzia hustea.
- Ez fidatu segurtasun-arrazoiak, sustapenak, estatistikak eta abar direla-eta gakoak eskatzeko estekak dituzten mezuekin.
- Kontu handiz ibili Interneten bitartez oso fidagarriak ez diren webguneetatik deskargatzen dituzun fitxategiekin, edota postan edo fitxategiak trukatzeko programen bidez (P2P) erantsita jasotzen dituzunekin.
- Aldizka zure ordenagailuaren oinarrizko informazioaren segurtasun-kopiak egin.
- Ez erabili zure nabigatzaileko pasahitzak automatikoki gogoratzeko funtzioa. Izan ere, erabiliz gero, pasahitzak sisteman gordetzen dira, eta ordenagailuaren beste erabiltzaile batzuek ere erabiltzeko arriskua dago.
- Ez erabili Online Banka ordenagailu publikoetan edo partekatuetan, ezta babestuta ez dauden wifi sareetan ere.
- Webgune seguruetan eragiketak amaitzen dituzunean, erabili "saioa itxi" aukera deskonektatzeko eta beste edonork saio berean eragiketa gehiago egitea eragozteko.
4. Berrikusi zure kontuen mugimenduak aldizka, adierazi edozein mugimendu susmagarri eta salatu Segurtasun Indarren aurrean iruzur kasu guztiak.
5. Online Bankaren bidez edo 900 44 55 66 telefonora deituta nahi dituzun mugak ezarri ahal izango dituzu, 0 euroko muga barne. Modu horretan, Online Bankatik transferentziak egitea eragotzi dezakezu, baldin eta transferentzia horien eguneko eragiketa bakoitzaren zenbatekoak edo metatutakoak aurretik ezarritako muga horiek gainditzen baditu.
6. Irakurri arretaz Online Bankako eta Banka Mugikorreko pantailen abisuak eta jarraibideak eragiketak edo kontratazioak egin behar dituzunean, datuak nola bete jakiteko, exekuzio-baldintzen berri izateko, egindako eragiketen emaitzak ikusteko eta inplikazioak ezagutzeko. Eragiketa konplexuagoen kasuan, hala nola bidalketa-sortak bidaltzea, mandatuak onartzea eta abar, zure bulegoarekin edo 94 401 79 07 telefono zenbakian Enpresei Laguntzeko Zerbitzuarekin jarduteko prozedura berrestea gomendatzen dizugu.
7. Zure bulegoan sartzeko arau hauek ere ezarri ahal izango dituzu:
- Sarbide-kanala adierazi (Online Banka, Banka Mugikorra edo Banka Telefonikoa) eta gutxieneko segurtasun-maila ezarri: sarbiderik gabe, pasahitzean oinarritutako sarbidearekin edo mugimenduak ikusteko baino ez.
- Sarbidea soilik Interneten bidez ala telefonoaren bidez egin ahal izatea.
- Enpresekin lotutako kontuetan sartzea ere eragotzi ahal izango duzu, horrelakorik baduzu.
- Enpresen kasuan, kontratuaren titularrak arautu ahal izango du erabiltzaile bakoitzak zerbitzua nola erabili behar duen (pertsona, sail eta abar bakoitzak bere sarbide-gakoak ditu), edo kontsultarako sarbide bakarra ezarri ahal izango du. Era berean, zehaztu ahal izango du nortzuk diren operazioak baimentzeko sinadura eskatzen duten parte-hartzaileak, banaka edo partekatuta, baita partaide horien zenbatekoa ere.
8. Laburpen gisa, zure eskura jartzen dugu Interneten nabigatzeko eta zure ohiko eragiketetan kontuan hartu beharreko informazio guztia biltzen duen duen dokumenu hau oinarrizko segurtasun-arauekin.
