Taldearen sozietateak

Kutxabanken jarduera bere Finantza Taldea osatzen duten beste filial batzuekin osatzen da. Sozietate horiek bezeroen eskura jartzen diren produktu eta zerbitzuen eskaintza zabaltzen dute, modu espezializatuagoan. Ekitaldia ixtean, Talde Bateratua osatzen duten sozietate guztien urteko kontuak ikuskatu ditu kanpoko enpresa independente batek, indarrean dagoen legedian ezarritakoari jarraiki. Honako hauek izan dira esanguratsuenak:

• KUTXABANK, S.A.
  

  Kutxabank (Taldeko erakunde nagusia) hiru euskal kutxak – BBK, Kutxa eta Vital- integratzean sortutako bankua da. Hiru horiek dira erakunde berriaren hiru akziodun bakarrak, eta bertara aldatu zuten beren finantza-negozioa 2012ko urtarrilaren 1ean.
  Erakundeak 655 bulego ditu bere jarduera burutzeko, horietatik 242 Euskaditik kanpo daudela.
  2015eko abenduaren 31n 48.849 milioi euroko Aktibo Osoa zuen erakundeak, eta 125.508 mila euroko Mozkin Garbia.
  Kutxabankek konpromisoa hartua du lortutako mozkin errepikariaren zati bat gizarteari itzultzeko, akziodunen eta haiek, bakoitza bere eskualdean, burutzen dituzten Gizarte Ekintzen bitartez.

• BBK BANK CAJASUR, S.A.U.
  

  2010ean sortutako kreditu-erakundea. 2011ko urtarrilaren 1ean CajaSur ohiaren aktibo eta pasiboak laga zitzaizkion.
  358 bulego ditu bere jarduera burutzeko.
  2015eko abenduaren 31n 11.986 milioi euroko Aktibo Osoa zuen erakundeak, eta 12.455 mila euroko Mozkin Garbia.

• FINECO TALDEA
  

  Fineco Taldea erakundeentzako eta errenta altuko inbertitzaile partikularrentzako banka pribatuan espezializatuta dago. Horrez gain, aholkularitzaz eta ondareak kudeatzeaz arduratzen diren hainbat sozietate biltzen ditu. 2015 ixtean, 2.160 milioi euroko ondarea zuen.

• KUTXABANK GESTIÓN SGIIC S.A.U.
  

  Taldearen Inbertsio-fondoen erakunde kudeatzailea. Hiru euskal kutxen erakunde kudeatzaileek bat egitean sortu zen. Gaur egun 50 fondotan banatutako 10.207 milioi euro administratzen ditu. Ondare hori Finecok kudeatzen duenari gehitzen badiogu, taldekako kudeatzaileen sailkapenean laugarrena da Kutxabank Taldea.

• KUTXABANK EMPRÉSTITOS S.A.U.
  

  2006an sortutako sozietatea da, Kutxabank, S.A.-ren berme solidario ezeztaezinarekin zor-tresnak jaulkitzeko helburu sozialarekin. Horien artean, obligazioak, bonuak, ordaindukoak eta/edo jesapen baten adierazle diren antzeko baloreak, mendeko zorra eta/edo lehentasunezko partaidetzak.
  2015ean zehar, instituzio inbertitzaileei saldutako ordaindukoen batez besteko saldoak 300 mm eurotik gorakoak izan dira.

• KARTERA 1,  KARTERA 2, KARTERA 4
  

  Aktiboak edukitzeko eta administratzeko sozietateak. Izaera ezberdineko inbertsioak kudeatzen ditu eta bere Aktibo Osoa 3.315 milioi eurokoa da.

• HARRI TALDEA
  

  2015eko ekitaldian zehar, eta Kutxabank Taldeko aktibo higiezin ugari Lone Star enpresari saldu ondoren, Harri Taldearen (Harri Kartera S.A.U – Neinor S.A ohia; Harri Iparra S.A.U –Neinor Barria S.A ohia-; Harri 1 S.L) inguruan higiezinak sustatzeaz arduratzen diren sozietateak berrantolatu egin dira; saldu ez den zatia hartuta, higiezinen sektoreko inbertsioak eta kudeaketa zentralizatzen dute, industriala nahiz bizitegietakoak.

• ASEGURU KONPANIAK: KUTXABANK ASEGURU ETA KUTXABANK BIZITZA ETA PENTSIOAK
  

  Aseguru eta berraseguruko eragiketez arduratzen diren sozietateak dira, lehen Biharko deituak. 739.000.000 poliza baino gehiago dituzte, eta 162 milioi eurotik gorako primak.