Ekonomia eta Finantza Informazioa

Arriskuen kontrola

Arrisku-profil egokiari eustea elementu gakoa da Kutxabank Taldearen kudeaketan, azken finean, jarduerak iraungo duen bermerik onena baita eta, ondorioz, jabeen bidez, gizarteari egingo dion ekarpenarena.

Profil honen egokitasun-maila hiru elementuren arteko harreman orekatu iraunkorra izateak zehazten du: hartu den arriskuaren maila; kontrol eta kudeaketa egokirako dauden antolakuntza ahalmena eta ahalmen teknikoa; eta egiaztatutako baliabide propioen maila. Azken honek zehazten baitu, azken finean, garatzen diren jarduerei datxezkien arriskuak gauzatu direlako gerta litezkeen ezusteko galerak irensteko Taldeak duen finantza-ahalmena.

Aipatutako hiru elementuetatik, bi kaudimen koefizienteak jasotzen ditu, ratio honek baliabide propioak eta onartutako arriskuen arteko harremana jasotzen du, zenbait ezaugarri garrantzitsuren arabera haztatu ostean.

Testuinguru honetan, gainbegiratze arduratsuarekin zerikusia duen araudi europarraren eraldaketa garrantzitsua gertatzen ari da. Alde batetik, 2010ean Basileako Banku Gainbegiratze Batzordetik (Basilea III) datozen zuzentarauak sartzen ari dira, baina, era berean, Europar batasunaren eremuan galda daitezkeen eskakizun berriak sortzen ari dira.

Horregatik, kapital gehiago eta hobearen eta, Basilea IIItik eratorritako palankatzerako mugen eskakizunak betetzeaz gain, finantza erakunde europarrak eskakizun gehigarrien mende egongo dira, sistema-koltxoien eran, eta Bail-in Ratio berriarenak.

Kaudimen arloan gero eta eskakizun handiagoa dagoen testuinguru honetan, 2013an, Kutxabank Taldeak nabarmen indartu du bere kaudimen-posizioa, bere arrisku-zorroaren optimizatzea eta kapitalaren barneko sorreraren bidez. Zehazki, 184 oinarrizko puntutan lortu igotzea bere Core Tier I ratioa, %12,0an kokatu arte (%12,4 orotarako kaudimen terminotan), indarrean dagoen araudiak galdatutako mugetatik askoz gorago.

2014an, kaudimen araudi berria sartuko da indarrean, kapitalaren eta arriskuen zenbaketaren arauen gogortzea eta finantza erakundeei galda dakizkiekeen gutxieneko atalaseen igoerarekin uztartuz. Erakundeen gaineko bere eragina leuntzeko helburuz eta, ondorioz, jarduera ekonomiko osoaren gainekoa, mailaz maila ezartzeko egutegia diseinatu da, eta 2019am amaituko da, atalaseei dagokienez, eta 2023an, zenbaketa-arauei dagokienez. Mailaz maila ezartzeko mekanismoak alde batera utzita, Kutxabank Taldeak %10,8ko Core Tier I fully loaded Ratioa du 2014ko urtarrilaren 1ean.

Ohiko kaudimen ratioez gain, araudi berriak muga ezarriko dio finantza erakundeen palankatze globalari. Horretarako, Palankatze Ratioa erabiliko du, erakunde baten kapitala eta hartzen duen orotarako arriskuaren arteko proportzioa neurtzen duena. Gaur egungo krisian, ratio honek kaudimen ohiko beste adierazle batzuk baino balio iragarle handiagoa duela erakutsi du. Nahiz eta bere zehaztapen teknikoak eztabaida fasean egon, eta horregatik ez dago behin betiko bertsiorik, Kutxabank Taldeak uste du, 2013ko itxieran, adierazle hori %7,0an dagoela, eta eskatuko den gutxieneko atalasea %3an egongo dela espero da.

Hirugarrenik, etorkizuneko Ebazpen Zuzentarauak arazoak dituzten finantza-erakundeek jarraitu beharreko arauak ezarriko ditu, baita erakundeek prest izan behar dituzten fondoen gutxieneko mailak ere (norberarenak eta besteenak), lehendabizi bere gain har ditzaten gerta daitezkeen balizko galerak. Exijentzia berri hau adierazle berri baten bidez neurtuko da, Bail-in Ratio . Ratio hori ere diseinu fasean dago. Kasu honetan, Kutxabank Taldeak uste du %8,4ko Bail-in Ratioaz itxiko zukeela 2013, beraz, aipatutako zuzentarauak eskatuko duen %8ko atalasea, oraintxe bertan beteko luke.

Hirugarren elementuari dagokionez, arriskua kudeatzeko azpiegitura, Taldea arrisku-mota desberdinen kontrol-markoen hobekuntza handiak egiten ari da azken ekitaldietan, maila teknikoan nahiz antolakuntzakoan. Hobekuntza horiek finantza-industriaren bilakaera metodologikoaren ildotik burutu dira, baita indarrean sartzen joan diren araudi jarraibideen ildotik ere.

Dena dela, gaur egungo krisi ekonomiko eta finantzarioa erakundeek ezarri dituzten kontrol-marko anitzen egokitasuna ari da probatzen, espero ez zen zorroztasun maila altuan. Zentzu honetan, Taldea ez dago mundu mailan dagoen testuinguru hain kontrakoak eragiten dituen ondorioetatik salbu.

Hala ere, arrisku adierazle nagusiek taldean izan duten portaera, sektorearen batez bestekoaren baino hobea izan da, beraz, horren kudeaketara bideratutako giza baliabide eta baliabide materialen egokitze maila altua egiaztatzen du horrek. Finantza-erakunde askok porrot egin duten edo kanpoko kapital txertaketa handiak behar izan dituzten testuinguru hurbileko eta nazioarteko honetan, Taldeak bere emaitzei eutsi die eremu positiboan, hala ere, zikloaren aurreko fasean baino apalagoak izan dira emaitzak, eta bere kaudimen-maila indarrean dauden araudien eskakizunak aise gainditzen dituzten mailetan mantendu da.

Kutxabank Taldeak egiaztatutako kaudimenak, bere arrisku-zorroaren batez besteko kalitateari lotuta, sektorearen batez bestekoa baino nabarmen hobeak, agintari gainbegiratzaile europarrek 2014an egingo dituzten erresistentzia froga berriei konfiantzaz aurre egitea ahalbidetzen dio.