Negozioaren bilakaera
Enpresa partaidetuak
Kutxabankek lagundu egiten du enpresa partaidetuen bideragarritasunean, hazkundean eta estrategien diseinuan
Bere jarduera eremuetako enpresa sareekin duen konpromisoak islatzen duenez, Kutxabankek akzio-partaidetza esanguratsuak ditu ekonomiarako traktoreak diren enpresetan. Finantza-taldeak lagundu egiten die enpresa partaidetuei, eta haien bideragarritasunean lankide dute, hazkundean eta estrategien diseinuan.
Kutxabank Taldearen industria-zorroak 2.900 milioi eurotik gorako kontabilitate-balioa lortu zuen 2014ko abenduaren 31n.
- Energia: %56
- Finantzarioa: %5
- Azpiegiturak: %12
- Besterik: %27
| Partaidetza-zorroen banaketa | Mila euro |
|---|---|
| Energia (%56) | 1.631.971 |
| Finantzarioa (%5) | 150.687 |
| Azpiegiturak (%12) | 349.355 |
| Besterik (%27) | 778.115 |
| Guztira | 2.910.128 |
| Guztira | 3.430.458 |
Enpresa horien akzio-eraldaketa errazten du erakundeak, bere partaidetu-zorroaren doiketa prozesu ordenatuan
2014an higiezinen bere zorroaren kudeaketa-estrategian garrantzi handikoa den operazioa bukatu du Kutxabankek, Neinor Taldearen %100aren salmenta sinatu baitu Lone Star nazioarteko inbertsio fondoarekin. Bere negozioaren ikuspegian hobekuntza nabarmena dakarkio proiektuak Neinor Taldeari, eta abiadura handiagoa eman dio Kutxabanken higiezinen arloko negozio-planari, bere higiezinen aktiboen %50 inguru askatu baititu.
Viajes Azul Marino enpresaren hazkunde helburuei ere laguntza eman die Finantza-taldeak, horiekin sinatu baitu Kutxabanken jabegokoak izan diren Viajes Gantour eta Viajes CajaSur agentzien %100aren salerosketa. Akordio horri esker, turismo aktibo eta abentura arloko adituen artean lehenengo agentzia da orain Azul Marino Espainian, eta bere egoera sendotu duenez, Espainiako 20 bidaia-agentzia handienetako bat da.
Kutxabanken industria-partaidetzak Taldearen neurrira egokitzen ari dira mailaz maila, araudi erregulazio berrira, baita erakundearen exijentziei ere. Egokitze prozesu horrek ekarri du, hain zuzen ere, zorroaren eraldaketa ordenatua.