Gira tu dispositivo a modo "landscape"
Gira tu dispositivo a modo "landscape"
Duela urtebete Haiyan tifoiak Filipinak errautsi zituen eta BBKren Gizarte Ekintzatik gure baliabide guztiak erabili genituen, elkartasun-kontuaren bidez, gizarteak egiten dituen diru-ekarpenak bideratzeko, hau da, berezko hondamendi batek herrialde bat suntsitzen duenean gizarteak emandako laguntza behar den lekura bidaltzeko.
Oraingo honetan Zabalketa GKE arduratuko da diru-ekarpenak kudeatzeaz eta beharrezko jarduera-neurriak hartzeaz. Zabalketa Gobernuz Kanpoko Erakunde bat da, 1990ean sortua; hemen bertan Sentsibilizazio eta Hezkuntza zereginetan ari da lanean, eta nazioartean garapenerako lankidetza-proiektuetan, pobrezia eta bidegabekeriak gainditzeko helburuaz.
Jendearen elkartasunari esker 41.739,59 € bildu dira. Zabalketa GKE, Filipinetan ere lanean ari dena, arduratuko da diru hori kudeatzeaz eta ondoren laburtuko diren ekintzak eta programak martxan jartzeaz.
| PROGRAMAK | UNITATEAK | ONURADUNAK GUZTIRA | |
|---|---|---|---|
| 1 | ETXEBIZITZA | 403 | 1.612 biztanle |
| 2 | EKOIZTEKO LAGUNTZA | 653 | 2.612 biztanle |
| 3 | AZPIEGITURAK | 36 | 12.000 erabiltzaile |
| 4 | ELIKADURA | 2.216 | 2.216 pertsona |
| 5 | OSASUNA | 67 zentro | 12.000 erabiltzaile |
| 6 | HEZKUNTZA | 1.109 | 1.109 pertsona |
Etxebizitza egonkorrak eraikitzeko behar diren materialak (zementua, hormigoi-blokeak, posteak, habeak, zur eta kanabera txirikordatuzko itxiturak, zink-xaflak, iltzeak, komun-ontzi eta eraikuntzako lanabesak) ematea.
Haziak eta lanabesak ematea, edota artisau-erako arrantzarako ontziak eta aparailuak. Basoko landaretxo ziurtatuak banatzea. Laguntza teknikoko zerbitzua.
Azpiegiturak (osasun-zentroak, eguneko zentroak, ur-zerbitzua) berriro funtzionamenduan jartzeko beharrezko eraikuntza-materialez hornitzea.
Material arineko behin-behineko egiturak eraikitzeko materialez hornitzea, gutxi gorabehera 2 urtez iraun dezaten (ikastetxeen ikasgelak).
Talde fokal bakoitzaren inguruabarretara egokituriko elikagai freskoekin poltsak banatzea, 6 hilabetez, hamar egunean behin aldizkako entregak eginez. Elikadura-gaikuntza.
Barangay-etako osasun-zentroak birgaitzea funtzionamenduan jarri arte. Materialak eta lan-indar prestatua ematea. Lehen mailako arretarako botikin estandarizatuen hornikuntza, batez beste 1200 pertsonako taldeetarako Osasun Zentro bakoitzeko. Osasunaren herri-arduradunei oinarrizko botikinak ematea. Identifikaturiko kasuetan laguntza mekanikoak (gurpildun aulkiak, bastoiak, makuluak) ematea.
Ikasleei kit pertsonalak ematea, oinarrizko eskola-materialarekin, eta zentro bakoitzari kit pertsonalizatuak bere premien arabera.
