Gira tu dispositivo a modo "landscape"
Kit Digitala programak, 3.067 milioi euroko zuzkidurarekin (Next Generation fondoak), ia milioi bat ETE eta autonomoren digitalizazioan laguntzea du helburu.
Laguntzen lehenengo deialdia martxan da dagoeneko, 500 milioi euroko aurrekontu-zuzkidurarekin, eta 10 eta 49 langile bitarteko enpresei bideratuta dago.
Laguntzak Red.es-en egoitza elektronikoaren bidez eskatu ahal izango dira, martxoaren 15etik irailaren 15era (fondoak lehenago agortzen ez badira behintzat).
Horretarako, aldez aurretik www.acelerapyme.es webgunean eskuragarri dagoen test diagnostikoa egin beharko da. Plataforma horretan, enpresa bakoitzak bere heldutasun digitalaren mailara egokitzen diren digitalizazio aukerak ezagutu ahal izango ditu, eta bat edo gehiago aukeratu. Halaber, gaitutako eragile digitalizatzaileek soilik eskaini ahal izango dituzte aipatu konponbideak.
Zerbitzuak eragile digitalizatzaile gisa eman nahi dituzten enpresek programarekin bat egin beharko dute Red.es-en egoitza elektronikoan; www.acelerapyme.es webgunean dago bertarako sarbidea. Martxoaren 10ean, gaitutako lehenengo eragile digitalizatzaileen zerrenda argitaratuko da, laguntza indarrean den bitartean osatuz joango dena. Laguntza eskatzen duen enpresak eta gaitutako eragile digitalizatzaileak “digitalizazio konponbideak emateko akordio” bat egingo dute.
Laguntzaren (“bonu digitalaren”) gehieneko zenbatekoa 12.000 eurokoa izango da enpresako, eta eskura dauden digitalizazio konponbideak erostera bideratuko da: saltegi elektronikoa, webgunea, bezeroen kudeaketa, fakturazio elektronikoa, sare sozialen kudeaketa, zibersegurtasuna...
Laguntzak eskaerak aurkezten diren hurrenkeran esleituko dira. Behin laguntza onartuta (enpresari “bonu digitala” ematen zaionean), eragile digitalizatzaileak arduratuko dira konponbide digitala enpresan ezarri dela egiaztatzen duten agiriak aurkezteaz, eta haiek jasoko dute zuzenean “bonu digitalaren” ordainketa.
Laguntza honi buruzko informazio gehiago behar izanez gero: https://www.kutxabanknext.eus/eu-es/index