Gira tu dispositivo a modo "landscape"
Gira tu dispositivo a modo "landscape"
Kutxabank Visa Dual txartela da osoena.
|
• Kutxabank kutxazainetan eskudirua erabilgarri, zordunketan nahiz kredituan. • Zure erosketen ordainketa hilaren amaieran edo geroratuta. • Erabilerari eta iruzurrezko eragiketei buruzko alerta-sistema, SMS edo email bidez. • Contactless ordainketa. • Interneteko zure erosketetan segurtasunezko ordainketa. • Kredituaren muga txartelaren titularrak Kutxabankekin kontratatutakoa izango da, kontratuan ageri dena hain zuzen. • Zure erosketen ordainketa geroratua Flexibuy-rekin. 12 hilera arte 150 €-tik gorako erosketetan. • Istripuetarako eta bidaia-laguntzarako doako asegurua. • Bat-bateko deskontuak zure erosketetan, Kutxabank "Privilegios EURO 6000" abantailei esker. • Zure Kutxabank Visa Dual txartela pertsonalizatzeko aukera. • Mugikorrarekin ordain dezakezu hurrengo aplikazioen bidez: Kutxabank Pay, Apple Pay, Samsung Pay edo Google Pay. |
|
VISA dual txartelak urtean 45 €-ko mantentze-kuota dauka txartel nagusiari dagokionez, eta 25 €-koa txartel onuradunaren kasuan. Lotutako kontua OK plus kontua edo Gazte nomina kontua bada, mantentze-kuota salbuetsita (ikusi OK Kontuen baldintzak).
Ikusi doako aseguruaren laburpena.
CVV edo Card Verification Value kodea kreditu- eta zordunketa-txartelen atzealdean agertzen den 3 digituko multzoa da. Kodea segurtasun neurria da online erosketak egiteko orduan, hau da, txartel fisikoa ez dagoenean. Datu hori ez da inon gordetzen eta txartelean baino ezin da ikusi.
Txartela galdu baduzu edo lapurtu badizute, berehala blokeatu behar duzu Banka mugikorraren edo online Bankaren bidez, une horretan bertan txartelaren kopia bat eska dezakezu, etxean edo bulego hurbilenean jasotzeko.
Gogoratu txartela blokeatzea behin betikoa dela eta ez duela atzera bueltarik.
Uste baduzu berreskuratzeko aukera duzula, itzal ezazu banka mugikorrean. Berreskuratzen duzunean, gogoratu piztu egin behar duzula berriro ere normaltasunez erabiltzeko.
Zure txartelak zuzen funtzionatzen ez badu, txartela hondatu delako kopia bat eska dezakezu online Bankaren bidez "Hondatuta" aukerarekin eta zure etxean edo bulegoan jasotzea hautatu ahal izango duzu ere. daukazun txarela erabiltzen jarraitu ahal izango duzu berria jaso eta aktibatu artean.
Era berean, 900 44 55 66 / +34 94 600 55 00 telefonora ere dei diezagukezu, 8:00etatik 22:00etara, edo 34 94 401 70 00 telefonora, ordutegi horretatik kanpo.
Visa Dual, Visa Dual K26, Visa Dual K26+, Visa Dual 100%,Visa Classic eta Visa Nakar txartelek estaldura ugari dituen istripu asegurua eta bidaietarako laguntza hartzen dituzte barnean; hemen kontsulta dezakezu.
Urrezko Visa txartelak istripu erosketak babesteko asegurua dauka, baita estaldura ugari dituen istripu asegurua eta bidaietarako laguntza ere; hemen kontsulta dezakezu.
Visa Platinum txartelak istripu erosketak babesteko asegurua dauka, baita estaldura ugari dituen istripu asegurua eta bidaietarako laguntza ere; hemen kontsulta dezakezu.
Visa Dual txartelekin dirua zordunketa zein kreditu moduan atera dezakezu, zeuk aukeratzen duzu.
Dirua zordunketa moduan Kutxabank sareko kutxazainetan ateratzeagatik ez duzu komisiorik ordaindu beharko. Dirua zordunketa moduan beste sare batzuetan ateratzen bada, komisio bat aplikatuko da, dagokion kutxazain automatikoen sarearen arabera; komisioa txartelaren kontratuan agertzen da.
Txartel dualak (Visa Dual, Visa Dual K26, Visa Dual K26+, Visa Dual 100%) saltokietan kreditu bidez ordaintzeko eta kutxazainetan dirua zordunketa bidez ateratzeko balio duten kreditu txartelak dira.
Saltokietan txartelean erabilgarri dagoen kredituaren bidez ordaindutako erosketak hurrengo hilabeteko lehenengo egunean zordunduko dira.
Kutxazainetan, ordea, kargua txartelari loturiko kontuko saldoaren kontra egiten da, baina beti badago eskudirua kreditu bidez ateratzeko aukera, “kreditu bidez jardun” aukeratuz gero (Kutxabank-en kutxazainetan).
Kutxabanken Visa Dual, Visa Dual 100%, Visa Classic eta Visa Nakar txartelekin, zeuk erabakitzen duzu noiz ordaindu txartelaren bidez egindako erosketak.
-Hilaren amaieran: Hilean egindako erosketa guztiak hurrengo hilabetean zordunduko dira kontuan, beraz, ez da interesik ordaintzen.
-Ordainketa geroratua (revolving): hilean egindako erosketen ordainketa geroratu ahal izango duzu, eta gehien komeni zaizun zenbatekoa ordaindu ahal izango duzu. Zuk erabakitzen duzu zenbateko finko bat edo hileko ehuneko bat ezartzea geroratutako zenbatekoa pixkanaka ordaintzeko.
Ordainketaren adibidea hileko kuota finkoa ezartzen denean:
Adibide hau banku-produktu eta -zerbitzuen publizitatea arautu eta kontrolatzeko ekainaren 11ko EHA/1718/2010 Aginduan ezarritako baldintzen arabera egin da, eta baliteke horiek txartel-kontratuan ezarritako baldintzekin bat ez etortzea.
1.500 euroko erosketa egiten baduzu % 18,36ko interes-tasarekin ITN, hileko 44,35 euroko kuota finkoa ezarriz, honako hauek ordaindu beharko dituzu:
- 44,35 euroko 48 kuota hilean.
- Guztira 2.308,57€ ordainduko dira, eta UTB %26,36koa izango da.
UTB eta ordaindu beharreko guztizko zenbatekoan kalkulatzeko, urtero kobratzen den 45 euroko txartelaren jaulkipen- eta mantentze-komisioa hartu da kontuan.
GARRANTZITSUA: ordainketa geroratuaren modalitateko likidazio-sistemak ez du ahalbidetzen kasu guztietan kreditua hileko 48 kuota berdinetan amortizatzea, zor osoaren % 3,5eko gutxieneko kuota duelako ezarrita, 60 euroko hileko kopurua gutxienez. Hau da, bi kopuru hauetatik handiena ordainduko duzu:
- Hautatutako kuota, kapitalez, interesez eta komisioz osatua.
- Zor osoaren % 3,5 eta hor 60€ gutxienez.
Kontsultatu OK+ Kontuen baldintzak,txartela doan izateko.
Ondoko kreditu simulagailuan hilean ordaindu nahi duzun kuota sartzen baduzu, zure kreditua ordaintzeko zenbat denbora behar den jakin dezakezu. Gogoan izan gutxieneko kuota bat dagoela eta zenbateko horrekin, lehenik, adostutako interes eta gastuak ordaintzen direla eta, bigarrenik, eskura jarritako kapitala amortizatzen dela.
-Banakako erosketen zatikapena:
Horrez gain, Kutxabanken, txartelaren bidez ordaindutako erosketak geroratzeko aukera daukazu: banan-banan, Plazox bidez, saltoki fisikoan edo online dendan, erosketa egiten duzun unean bertan, edota, Flexibuy erabiliz, erosketa egin eta gero, Banka mugikorrean edo online Bankan; izan ere, 150 euro eta 2.000 euro bitarteko erosketak interesik gabe 3, 6, 9 eta 12 hilabetetan ordain ditzakezu. Geroratzea kudeatzeagatik komisio bat aplikatuko da Plazox zein Flexibuy aukeran; komisioa lehenengo ordainketan kobratuko da eta horren zenbatekoa erosketa prezioaren eta geroratze epearen araberakoa izango da.
Geroratzea |
Gutxieneko zenbatekoa |
Gehieneko zenbatekoa |
Geroratzearen gestio kostua |
Gutxieneko UTB |
Gehieneko UTB |
| 3 hilabetez | 150 € | 249,99 € | 4 € | %6,60 | %17,39 |
| 3 hilabetez | 250 € | 349,99 € | 7 € | %8,31 | %18,34 |
| 3 hilabetez | 350 € | 2.000 € | 10 € | %2,02 | %18,75 |
| 6 hilabetez | 500 € | 2.000 € | 25 € | %3,39 | %19,04 |
| 9 hilabetez | 500 € | 2.000 € | 35 € | %3,58 | %18,92 |
| 12 hilabetez | 500 € | 2.000 € | 45 € | %3,69 | %18,98 |
Euroa ez den monetatan egindako eragiketetan (erosteko edo eskudirua ateratzeko), %3ko komisioa aplikatuko da, dagokion likidazioa egiten den egunean Nazioarteko Ordainketa Sistemek (Visa) duten truke-tasaren arabera eurotan kontrabalioan ateratzen den zenbatekoaren gainean.
Truke-tasa hori eta EBZk EEEn egindako eragiketetarako argitaratutako truke-tasaren gaineko ehuneko-marjina kontsulta ditzakezu VISAren truke tasaren Kalkulagailuan:
Truke-tasaren edo dibisen kalkulagailua
