Ekonomia eta Finantza Informazioa
Balantzearen Analisia
Baliabide propioak
Kaudimen eta kapitalizazio indizeek sistemako onenen artean jarraitzen dute
Kutxabank Taldearen Ondare Garbia 4.829 milioi eurora iritsi da, beraz, finantza-sistemako erakunde kapitalizatuenen artean jarraitzen du. Kaudimen ratioek sistemako onenen artean jarraitzen dute, %10,1eko Core Tier I eta %10,8ko Kaudimen koefizientea baitute, Europako agintearen, nahiz Espainiako Gobernuaren gutxieneko eskakizunetatik askoz gorago. Gainera, hau guztiau ezein motatako laguntza publikoetara jo gabe lortu da, ezta kapitala hartzera jo gabe, ez tresna hibridoetara ere, merkatuan kokatutakoa, eta are gutxiago bezeroen artekoa.
Kaudimen arloko lidergo hau, Europako Banku Zentralaren aginduz Oliver Wymanek egin zuen Espainiako finantza-sistemaren kapital beharrizanen azterketan geratu zen agerian. Azterketa hori 2012ko irailaren 28an argitaratu zen. Proba horretan hamalau banku-talde nagusienek hartu zuten parte, hau da, Espainiako banku-sistemaren aktiboen %90 ordezkatzen duten bankuak. Azterketak esan zuen Kutxabank Taldeak galdatzen den gutxieneko kapitala gainditzen duela, testuinguru makro ekonomikoa oso kontrakoa balitz ere, beraz, ez du kapital gehigarririk behar. Gainera, kontrako balizko egoera horretan, 2014ko abenduan, sistemako Core Tier I altuena izango luke, duen kapital maila altuari, itxarotako galera txikiagoari eta duen estaldura zabalari esker.
| mila € | 2012 | 2011 (*) | % |
|---|---|---|---|
| Fondo propioak | 4.602.213 | 4.545.763 | 1,2 |
| Kapital soziala | 2.000.000 | 2.000.000 | 0,0 |
| Jaulkipen prima | 2.545.553 | 2.545.763 | (0,0) |
| Taldeari egotzitako emaitza | 84.560 | 0 | |
| Dibidenduak eta ordainsariak | (27.900) | 0 | |
| Balorazioagatiko doiketak | 143.384 | 275.200 | (47,9) |
| Gutxiengodunen interesak | 83.898 | 157.353 | (46,7) |
| Ondare Garbia | 4.829.495 | 4.978.316 | (3,0) |
(*) Proforma saldoak 2012.01.01ean