Ekonomia eta Finantza Informazioa
Balantzearen Analisia
Kreditu-inbertsioak
Hipoteken kontratazioan %36tiko gorako kuotaz, tokiko merkatuetako bere lidergoa finkatu du
Desapalankatze gogorra ezaugarri duen urte batean, Kutxabank Taldeko Kreditu Inbertsio Garbiak %6,5eko erorketa izan du, 45.694 milioi eurora heldu arte (48.721 zenbaki gordinetan). Kredituen murrizketa askoz esanguratsuagoa da Handizkako Sareetan, Taldeak arrisku-mailen nahita izandako birkokatze-estrategiaren ondorioz. Bestalde, Xehekako Sareetan kreditua askoz gutxiago murriztu den arren (%5,7), eskaeraren ahuleziak ez du ahalbidetu kredituaren amortizazio eta murrizketa naturalak orekatzea. Izan ere, erorketa hau gorabehera, Kutxabankek kontratazio-kuotari eutsi dio bere erreferentzia-merkatuan, eta horrela, Euskadin egin diren hipoteka maileguen %36 baino gehiago Kutxabanki dagokio, bere lidergoa indartzen duena. Era horretan, Kutxabankek jarraitu egiten dio ohiko bezeroak artatzeko duen estrategiari, produktu-sorta lehiakorraren bidez. Gainera, Kutxabank Kredituen integrazio osoz, 2013an xehekako bezeroentzako kontsumorako kredituen eskaera sendotu da.
SAREBera pasatutako kreditu-arrisku kaltetuei onurarik atera ez arren, Zalantzazko Aktiboak gainontzeko banku-sistemarenak baino erritmo motelagoz hazten dira, eta berankortasunaren tasa %11,6koa da. Kreditu-arriskuaren kudeaketaren azken aldia, aktibo higiezinen kudeaketa da, "Salgai dauden Aktibo ez-korronteak" eta "Aktibo Materiala" ataletan zenbatuak, eta guztira %10,6 jaitsi direnak.
| mila € | 2013 | 2012 | %Δ |
|---|---|---|---|
| ARLO PRIBATUA | 46.943.436 | 50.652.642 | (7,3) |
| Ondasunezko bermedun zordunak | 36.115.239 | 38.357.791 | (5,8) |
| Eperako beste zordun batzuk | 4.188.708 | 5.686.131 | (26,3) |
| Ageriko zordunak | 846.060 | 1.130.411 | (25,2) |
| Merkataritza-kreditua | 215.396 | 307.629 | (30,0) |
| Finantza-errentamenduak | 100.117 | 114.044 | (12,2) |
| Zalantzazko aktiboak | 5.477.916 | 5.056.636 | 8,3 |
| ARLO PUBLIKOA | 1.777.177 | 1.681.700 | 5,7 |
| BEZEROEI EMANDAKO KREDITU GORDINA | 48.720.613 | 52.334.342 | (6,9) |
| BALORAZIOAGATIKO DOIKETAK | (3.026.327) | (3.453.740) | (12,4) |
| BEZEROEI EMANDAKO KREDITUA | 45.694.286 | 48.880.602 | (6,5) |
| Beste finantza-aktibo batzuk | 233.472 | 291.229 | (19,8) |
| BEZEROEI EMANDAKO KREDITUA GUZTIRA | 45.927.758 | 49.171.831 | (6,6) |