Bulego sarea
Bezeroak ezagutzera bideratutako bulegoak
Traspaso eta transferentzien %70etik gora Online Bankaren bidez egiten dira, bezeroen %53k erabiltzen baitu sistema hori
Arreta pertsonalak, hurbilak eta zuzenak definitzen du Kutxabanken bulego-eredua. Kudeatzaile adituen lehentasuna euren bezeroen epe ertain eta luzerako beharrizanak ezagutzea da, horrela, pertsona bakoitzak behar dituen aurrezki eta finantzaketa irtenbide onenak zehazteko, irtenbide operatiboetatik haratago.
Kutxako eragiketa-mota guztietarako, Kutxabanken bezeroek orotarako kutxazainak dituzte, zenbait eragiketa egitea ahalbidetzen dutenak, erosotasun, segurtasun eta arintasun osoz.
2014ko itxieran, Kutxabankeko kutxazain sarea 1.632 unitatek osatzen dute, eta horietatik, 159 orotarakoak dira. Gainera, bulego sareak 523 libreta eguneragailu ditu guztira. Autozerbitzurako gailu horiek 2014 eragiketa burutu dituzte, 80 milioi euroko balioaz orotara.
2014an ahalegin handia egin da EAEko bulego guztiek izan ditzaten gutun-azalik gabeko diru-sarrerak ahalbidetzen duten kutxazainak. Izan ere, diru-sarrera horiek berehala geratzen dira baliozkotuta eta eskuragarri. Barik, Mugi eta Bat garraio-txartelak ere birkarga daitezke edozein kutxazain egokitutan. Ikusmen desgaitasuna duten pertsonek badituzte, gainera, ahotsaz diharduten kutxazain berriak.
Online Bankaren eta Banka Mugikorraren etengabeko bilakaerak bere bezeroekin etengabeko hartu-emana izatea ahalbidetzen dio Kutxabanki; bezeroek ia-ia bulego osoa baitaramate poltsikoan. Azken teknologiei esker, ohiko banku kudeaketak gero era errazagoak eta egingarriagoak dira, eskuko telefonoen eta tableten bidez, eskura baitako Android nahiz iphone eta ipaderako aplikazioa.
Etengabeko hobekuntza prozesu horretan, Kutxabanken Online Bankak hainbat erraztasun eratu ditu maileguak eta gordailuak kontratatzeko, zabaldu egin du kontuei buruz eskura dagoen informazioa eta eskubideen kobrantzarako aukera berriak ditu kapital zabalkundeetan. Halaber, sinplifikatu egin da sortak bidaltzeko prozedura enpresetarako, eta eskuko telefonotik berehala transferi daiteke dirua, baita erreziboak itzultzea eta nazioarteko baloreekin eragiketan egitea ere.
Gero eta bezero gehiagok dute konfiantza Online Bankaren erabil aniztasunean eta segurtasunean: Kutxabanken bezero partikularren %53k dute kontratua Urruneko Bankarekin; 3,3 milioi konexiotik gora burutzen dira hileko eta traspaso nahiz transferentzien %70etik gora egiten dira kanal horren bidez.
Erabiltzaile gehienak ordenagailu bidez konektatzen dira, %33k, ordea, smartphonak edo tabletak erabiltzen dituzte Banka Mugikorrera sartzeko. Urte osoan, 150.000 pertsonak baino gehiagok deskargatu dute ‘app’ delakoa.
Kontsumoaren berpiztea eta gune nahiz ekitaldi gehiago Kutxabanken ‘ticketing’ sisteman sartu izanak fakturazioaren hazkunde esanguratsua ekarri du, Finantza-taldearen sarreren salmenta-sisteman, igoera %29ra iritsi baita iazkoaren aldean. Internet izan da biderik erabiliena kultura eta kirol ikuskizunetarako ticketak erosteko. Gainera, Kutxabanken Banka Mugikorrak aplikazio berezia sartu du 2014an, jarduera kulturalen bilaketarako eta sarrerak erosteko.
| Kutxabank TALDEA | Kutxabank | CajaSur | |
|---|---|---|---|
| - Xekekako sarea eta Hedapen bulegoak | 1.007 | 661 | 364 |
| - Enpresa eta Erakunde bulegoak | 18 | 14 | 4 |
| GUZTIRA BULEGO MOTAREN ARABERA | 1.025 | 675 | 368 |
| Kutxabank TALDEA | Kutxabank | CajaSur | |
|---|---|---|---|
| Andaluzia AE | 364 | - | 364 |
| Kordoba | 152 | - | 152 |
| Jaen | 63 | - | 63 |
| Andaluziako gainontzekoa | 150 | - | 150 |
| AragoiAE | 10 | 10 | - |
| Kantabria AE | 13 | 13 | - |
| Gaztela-Mantxa AE | 6 | 6 | - |
| Katalunia AE | 34 | 34 | - |
| ErrioxaaAE | 7 | 7 | - |
| Madrid AE | 85 | 85 | - |
| Murtzia AE | 4 | 4 | - |
| Extremaduraa | 10 | - | 10 |
| Nafarroa AE | 10 | 10 | - |
| Euskal Autonomia Erkidegoa | 418 | 418 | - |
| Araba | 80 | 80 | - |
| Bizkaia | 208 | 208 | - |
| Gipuzkoa | 130 | 130 | - |
| Asturias AE | 3 | 3 | - |
| Galizia AE | 10 | 10 | - |
| Gaztela-Leon AE | 14 | 14 | - |
| Valentzia AE | 41 | 41 | - |
| Frantzia | 5 | 5 | - |
| GUZTIRA | 1.025 | 661 | 364 |