Ekonomia eta Finantza Informazioa

Balantzearen azterketa

2019ko abendua ixtean, Kutxabank Taldearen balantzearen guztizko tamaina 59.580 milioi eurokoa zen, aurreko urteko zifrekin alderatuta %2,1 handiagoa, hau da, 2018an jada lortu zen balantzearen hazkundea finkatu zen.

 

AKTIBOA

• Finantza-aktiboen zorroa: %12
• Bezeroentzako maileguak eta aurrerakinak: %70
• Aktibo ez-korronteak salgai eta izakinak: %2
• Zergengatiko aktiboak: %3
• Gainerako aktiboak: %3
• Diruzaintza aktiboa: %10

PASIBOA ETA P. GARBIA

• Diruzaintza pasiboa: %4
• Bezeroen gordailuak: %77
• Balore errepikariak Zorra + mendeko pasiboak: %5
• Gainerako pasiboak: %4
• Ondare garbia: %10

Aktiboari dagokionez, balantzearen %70 bezeroei emandako maileguei eta aurrerakinei zegokien. Maileguen eta aurrerakinen partida, guztira, %1,7 igo da, hipoteka-zorroak eta kontsumo-negozioak bilakaera positiboa izan dutelako. Bestalde, finantza aktiboen zorroen pisua apur bat hazi da.

Pasiboari dagokionez, bezeroen gordailuen pisuak balantzearen hiru laurdenak gainditu ditu, eta aurreko urtearekin alderatuta %5,8 handitu da. Handizkako finantzazioak murrizketa nabarmena izan du urte honetan izandako epemugen ondorioz, ez baita beharrezkoa izan berritzea, salbu eta 2019ko irailean 500 milioi euroko Senior Non Preferred Bonu bat igorri zelako, MREL eskakizunak betetzeko. Azkenik, balantzez kanpoko bezeroen baliabideak txertatuta, gure bezeroen baliabide kudeatuen guztizkoa 65.739 milioi eurora iritsi da, eta %7,7ko igoera nabarmena izan du, aurreko ekitaldiko abenduarekin alderatuta.