Ekonomia eta Finantza Informazioa

Balantzearen azterketa

Bezeroen baliabideak


Inbertsio-fondoak merkatuko liderrak dira, bolumenaren eta errentagarritasunaren arabera

Kudeatutako Bezeroen Baliabideak, handizkako jaulkipenak kontuan hartu gabe, 65.738 milioi eurora iritsi dira, hau da, %7,7ko gehikuntza 2018ko abenduarekin alderatuta. Bezeroen gordailuak (hipoteka-zedulak alde batera utzita) %6,4 hazi dira, ageriko gordailuen portaera bikainean oinarrituta (+%10,7). Gainera, interes-tasak gutxieneko historikoetan mantendu diren testuinguruan, bezeroek balantzetik kanpoko produktuen alde egiten jarraitu dute, errentagarritasun erakargarriagoak bilatzeko. Inbertsio-fondoei eta pentsio-planei eta BGAEei egindako ekarpen garbiak positiboan mantendu dira, eta %12,6ko eta %9,7ko hazkunde nabarmenak izan dituzte, hurrenez hurren. Horrela, balantzetik kanpoko baliabideen guztizkoa %11,3 hazi da. Ekitaldi honetan, garrantzi handia izan du, berriz ere, zorroak kudeatzeko eskuordetutako sistemak, erakundearen funtsezko tresna baita, eta jardueran hasi zeneko lehen hamar urteak bete zituen iaz. Erakundeak inbertsio- eta aurreikuspen-fondoen aldeko apustu irmoa egin du, fondo horiek kudeatzeko lan bikainarekin batera, eta horri esker, Kutxabank Taldea da Estatuko bosgarren kudeatzailerik handiena, laugarrena aurreikuspen-sistemetan eta merkatu-kuota irabazi du urtean.

Ildo horretan, saldoak balantzetik kanpoko produktuetara eraman dira nabarmen, eta ondorioz, epeko gordailuek %10,0 egin dute behera. Likidezia-tentsiorik egon ez denez, erakundearen finantzaketa-egitura orekatuta geratu da, partida hori murriztu arren eta epealdian izan diren handizkako finantzaketaren epemuga garrantzitsuak gorabehera.

Bezeroen baliabideak
(milaka euro) 2019ko abe. 2018ko abe. %Δ
BESTE SEKTORE PRIBATU BATZUK 42.039.670 39.548.975 6,3
    Ageriko gordailuak 32.451.702 29.316.384 10,7
    Eperako gordailuak (hipoteka zedula ohiak) 8.361.598 9.292.116 (10,0)
    Aktiboen aldi baterako lagapena 1.225.042 938.996 30,5
    Balorazioagatiko doikuntzak 1.329 1.479 (10,1)
SEKTORE PUBLIKOA 2.772.041 2.436.432 13,8
BEZEROEN GORDAILUAK, HANDIZKAKO FINANTZ. IZAN EZIK 44.811.711 42.103.801 6,4
Hipoteka Zedulak 944.200 1.128.789 (16,4)
BEZEROEN GORDAILUAK 45.755.911 43.232.590 5,8
Balantzetik kanpoko baliabideak
(milaka euro) 2019ko abe. 2018ko abe. Δ%
Inbertsio-fondoak 17.920.970 15.974.186 12,2
BGAEak eta Pentsio Fondoak 7.366.485 6.712.306 9,7
Aseguru mistoak eta bestelakoak 115.214 128.440 (10,3)
BALANTZETIK KANPO KUDEATUTAKO BALIABIDEAK 25.402.668 22.814.932 11,3

(*)Taula honetan inbertsio bikoiztuen Balantzetik Kanpoko Baliabide Gordinak sartzen dira; beheko taulan, berriz, garbiak agertuko dira.

Kudeatutako bezeroen baliabideak
(milaka euro) 2019ko abe. 2018ko abe. Δ%
Bezeroen gordailuak -  Handizkako finantzaketa izan ezik 44.811.711 42.103.801 6,4
Balantzetik kanpo kudeatutako baliabideak 20.926.809 18.971.156 10,3
KUDEATUTAKO BEZEROEN BALIABIDEAK 65.738.521 61.074.957 7,6

Bezeroen baliabide kudeatuen eta balantzetik kanpoko baliabideen banaketa grafikoak


Abendua 2019
Gráficos Distribución Depósitos de la Clientela y Recursos Fuera de Balance del 2019.


  • Balantzetik kanpo: %32
  • Agerikoa Beste sektore pribatu batzuk : %49
  • Epea Beste sektore pribatu batzuk Hip. Zed. Izan ezik : %13
  • Sektore publikoa: %4
  • Bezeroen gainerako gordailuak: %2

Abendua 2018
2018ko Bezeroen baliabide kudeatuen eta balantzetik kanpoko baliabideen banaketa grafikoa


  • Balantzetik kanpo: %31
  • Agerikoa Beste sektore pribatu batzuk: %48
  • Epea Beste sektore pribatu batzuk Hip. Zed. Izan ezik: %15
  • Sektore publikoa: %4
  • Bezeroen gainerako gordailuak: %2