Gira tu dispositivo a modo "landscape"

 

Bategin Bizum iraultzarekin KutxabankPay-ri esker

Imagen 2 blog 2

 

“Bizum bat egingo dizut”. Ezaguna egiten zaizu, ezta? Agian WhatsApp-talde batean idatzita ikusi duzu horren aipamena hainbat kideren artean opari bat erosteko, edo adiskide bati entzun egin diozu afari baten gastuak partekatzeko edo sarrerak erosteko ardura emateko… Baina, ez dakizu oraindik nola dabilen Bizum?

 

Bizum ondorio handiak dituen banka-sektorearen iraultza txikia da: dagoeneko ia 3,6 milioi lagunek erabiltzen dute 20 finantza-erakundetan baino gehiagotan. Eta Kutxabanken mugikorrerako daukagun KutxabankPay app-ean sartuta dago. Horrela, lagunen arteko ordainketak egin ahal izango dituzu smartphone-aren agendan kontaktua bilatuta. Dirua berehala sartuko da hartzailearen kontu-zenbakia zein den jakin behar izan gabe. Hala, transferentziak eta komisioak albo batera utzi ahal dituzu 1.000 euro arteko ordainketak egiteko. Izan ere, Bizum doakoa da, ez dauka komisiorik. Bizum egin baino hamar segundo geroago, dirua hartzailearen kontuan egongo da, transferentziagatik ezertxo ere ez ordaindu gabe. Eta segurtasun osoz. Hori baino ez.

 

Gainera, KutxabankPay app-arekin mugikorretik mugikorrerako ordainketak egin ahal izateaz gain, contactless TPV gailua daukaten saltokietan erosketak egiteko smartphone-a erabiltzeko aukera izango duzu. Aurrekoaz gain, Bizumekin hitzartutako Gobernuz Kanpoko Erakundeei dohaintzak egin ahal izango dizkiezu.

 

Bizum erabili ahal izateko, Kutxabanken bezeroa izan behar duzu, Android edo iOS mugikorrean KutxabankPay app-a jaitsita eduki eta… smartphone-a etxean ez ahaztu. Norbaiti dirua bidali behar diozunean, mugikorraren kontaktu-zerrendan haren izena aukeratu behar izango duzu edo app-ean bere zenbakia zuzenean sartu. Bidali nahi duzun diru-kopurua adierazi, idatzi eragiketa balioztatzeko gakoa eta kitto.

 

Koadrilaren adiskide baten urtebetetzerako oparia erosteaz arduratu egin zara? Bada, eskatu gainerakoei Bizum bat egiteko. Etxebizitzaren alokairua edo ordainduzko telebista-kanal baten harpidetza partekatuta daukazu? Egin Bizum eta ez ibili “ordaindu egingo dizut” esaten. Adiskideen artean ez dakizue nola egin batera ordaintzeko? Bildu dirua berehala Bizumekin. Erdibana erosi duzu Abaltzisketako Eguberriko Loteriaren billete bat? Eskatu dirua Bizumen bidez sartzeko eta dena prest.

 

bizum kutxabank

 

App-aren bitartez mugikorrarekin erosteko metodoa aurrekoa bezain erraza da. Saltokian egongo zarenean, begiratu ordainketak egiteko NFC sistema mugikorrean konektatuta duzun eta gerturatu smartphone-a contactless Ordainketak Egiteko Terminalera (TPVra), hain zuzen, ordaintzerakoan txartela ipintzen duzun lekuan. Erosketa 20 eurotik gorakoa bada, txartelaren PINa sartu behar izango duzu. Bestela, bip entzungo da: ederki, erosketa egina duzu.

 

Eta efektiboa behar baduzu, baina txartelik gabe bazaude, ez kezkatu: KutxabankPay app-arekin, contactless sistema daukan edozein kutxazainetatik dirua atera dezakezu. Ez duzu interneterako sarbidea zertan erabili ezta app-a irekita eduki ere: nahikoa da mugikorra desblokeatuta edukitzea eta contacless kutxazainera hurbiltzea. Sartu gakoa txartela erabiliko bazenu bezala, zenbatekoa eta… voilá!

 

Ikusten duzunez, KutxabankPay app-arekin Bizum iraultzarekin bategiteaz gain, bizimodua erraztuko dizuten askoz funtzio gehiago erabilgarri izango dituzu. Jaits ezazu Android edo iOS mugikorrean eta hasi bere aukeretaz baliatzen!

 

  • Recibos blog es
  • ordainketa mugikorra blog es
  • psd2 blog es
  • Firma Digital Blog eus

Menú de pie de página

Cookiei buruzko politika

Cookieak garrantzitsuak dira gure webguneak ongi funtzionatu ahal izan dezan. Zure esperientzia hobetze aldera, cookie propioak eta hirugarrenenak erabiltzen ditugu, saio-hasierako datuak gogoratzeko eta saio-hasierarako, estatistikak egiteko gunearen funtzionalitatea optimizatzeko, eta zure interesei egokitutako edukiak eskaintzeko. Sakatu Onartu eta jarraitu botoia cookieak onartu eta zuzenean webgunean sartzeko.

Informazio gehiago