Gira tu dispositivo a modo "landscape"
Gira tu dispositivo a modo "landscape"
Gozatu etxe berriaz interes-tasa aldakorreko hipotekarekin, zure ezaugarrien araberako finantzaketarik onenarekin. Hipoteka aldakorrean, zure kuota Euriborraren bilakaeraren arabera ezarriko da, eta gehienez 30 urteko amortizazio-aldia aukeratu ahal izango duzu. Gainera, etxebizitza erosteko prozesu osoan lagunduko dizugu, erabakirik onena har dezazun.
Kuota-doigailuari esker, hobariak lortu ahal izango dituzu eta, horrela, hipoteka aldakorraren hileko kuotan aurreztu. Aukeratu gehien komeni zaizkizun produktuak (aseguruak, txartelak, pentsio-planak, nomina edo pentsio helbideratua...) eta aurreztu etxebizitza berrian.
Eta zalantzarik baduzu, erabili simulagailua hileko kuotaren zenbatekoa kalkulatzeko. Izapide eta paperetan galdu gabe, bi minututan baino ez.
Hipoteka-maileguen ezaugarria da bezeroak diru-kopuru bat jasotzen duela, baldin eta aldizkako kuotetan itzultzen badu, bere interesekin batera. “Hipoteka mailegua” dute izena, higiezin baten gaineko hipoteka batekin bermatzen delako, adibidez, etxebizitza batekin.
Interes-tasa finkoko hipoteka batean, merkatuko interes-tasaren aldaketek ez diete eragiten kuotei, eta kuotak aldez aurretik jakin daitezke.
Interes-tasa aldakorreko hipoteka batean, aplikatutako interes-tasa (normalean erreferentzia-tasa bat, adibidez, 12 hilabeterako Euriborraren hileko batez bestekoa) gehi diferentzial bat ordaintzen da, aldian-aldian berrikusten dena, kontratuan ezarritakoaren arabera. Beraz, kuota alda daiteke.
Hipoteka-mailegua izapidetzeko, kaudimen- eta berme-maila jakin batzuk egiaztatu behar dira. Horrek esan nahi du, aldez aurretik,hipotekatu nahi den higiezinaren tasazio bat egin behar dela. Zerbitzu horren gutxi gorabeherako kostua eskaera egin aurretik emango da.
Mailegua irekitzeko komisioa ere ordaindu ohi da.
Higiezinen Kreditu Kontratuei buruzko araudiari lotutako maileguen kasuan, maileguaren kapitalaren amortizazio/diru-itzulketa aurreratu osoa edo partziala egiten denean, eragiketa horrek erakundeari finantza-galera ekarriko dion aztertzen da. Erantzuna baiezkoa bada, araudian ezarritako eta kontratuan zehaztutako mugen arabera jaso ahal izango da galera.
Hipoteka baten hartzekodun den subrogazioa (hipoteka-mailegua) maileguaren finantza-erakundea aldatzeko akordioa da, hau da, finantza-erakundeen artean egindakoa.
Subrogazio horri esker, hipoteka-mailegu baten zordunak hipoteka beste banku batera alda dezake, hipoteka-mailegu baten epea edota interes-tasaren baldintzak ala biak aldatzeko aukerarekin.
Ohiko etxebizitza berme gisa duten zorrak modu bideragarrian berregituratzeko Jardunbide Egokien Kodeari atxikita dago Kutxabank. Kode hori martxoaren 9ko 6/2012 Errege Lege Dekretuak argitaratu zuen, baliabiderik ez duten hipoteka-zordunak babesteko premiazko neurrien barruan. Onura hauek jasotzeko baldintzak betez gero, ohiko etxebizitzaren gaineko hipoteka-maileguen zordunek Kodean jasotako neurriren bat aplikatzea eskatu ahal izango dute, hurrenez hurren eta subsidiarioki:
a) Berregituratze-plan bideragarri bat. Horrek 5 urtera arte kapitala ez ordaintzea, interesak txikitzea eta amortizazio-epea luzatzea izango du.
b) Zorraren kita bat egitea.
c) Etxebizitza ordainean ematea.
d) Alokairu soziala eskatzea, 5 urtera arteko aldi luzagarrietarako.
Era berean, Kutxabank atxikita dago zaurgarritasun-arriskuan dauden hipoteka-zordunentzako Jardunbide Egokien Kodeari. Kode hori azaroaren 22ko 19/2022 Errege Lege Dekretuak ezarri zuen, ohiko etxebizitzaren gaineko hipoteka-maileguen interes-tasen igoera arintzeko. 2022ko abenduaren 31ra arte eratutako hipoteka-maileguen titularrek, onura hauek jasotzeko baldintzak betez gero, haien maileguak berregituratzeko neurri hauek aplikatzea eskatu ahal izango dute 2024ko abenduaren 31ra arte:
a) Amortizazio-epea 7 urtera arte luzatzea, aldi baterako kuota finkoekin, gabealdi partzial edo osoarekin eta interesen araubide partikularrarekin 12 hilabeteko epean.
b) Tasa aldakorreko maileguak tasa finko bihurtzea.
