Gira tu dispositivo a modo "landscape"
Gira tu dispositivo a modo "landscape"
ABANTAILAK
Eragiketa ohikoenak egiteko aukera ematen du:
Oinarrizko ordainketa-kontua kontratatzeko, Kutxabankek ez du eskatuko beste produktu edo zerbitzu batzuk ekuratzeko. Nolanahi ere, nahi izanez gero, titularrak ondokoak eska ditzake:
ESKAKIZUNAK
Kontu hau kontratatu ahal izateko, bezeroak ez du beste konturik izan behar, ez Kutxabanken ez beste ezein erakundetan. Aitzitik, eskakizun hauetakoren bat bete beharko du:
Eta, gainera:
KONTUA NOLA KONTRATATU
KOMISIOAK
Bezeroak oinarrizko ordainketa-kontuarekin lotutako beste edozein produktu edo zerbitzuren inguruan galdetzen badu, produktuon ezaugarri nagusiak jasotzen dituen kontratua sinatu aurreko informazioa emango zaio aldez aurretik.
Oinarrizko ordainketa-kontua doakoa izan dadin aitorpena lortzeko, nahitaezkoa izango da 2019ko martxoaren 22ko 164/2019 Errege Dekretuan ezarritako baldintzak betetzea. Errege Dekretu horren arabera, oinarrizko ordainketa-kontuen doako erregimena ezartzen da finantza-bazterketa arriskua duten edo urrakortasun-egoeran dauden pertsonen onurarako.
(1) UTB - % 1,19, urtebetez eta aldi oro kontuko eguneroko saldoa 3.000 eurokoa bada, % 0ko urteko interes-tasa nominalarekin eta urtean 36 euroko mantentze-lanen komisioarekin (hiruhileko bakoitzean 9 €). Kontuaren likidazioa hiru hiletik behin egiten da.
(1) UTB - % 3,55 urtebetez eta aldi oro kontuko eguneroko saldoa 1.000 eurokoa bada, % 0ko urteko interes-tasa nominalarekin eta urtean 36 euroko mantentze-lanen komisioarekin (hiruhileko bakoitzean 9 €). Kontuaren likidazioa hiru hiletik behin egiten da.
Begiratu komisioei buruzko dokumentua hemen.
Oinarrizko Ordainketa Kontuen Eskaria (Eskuratu dokumentua)
Oinarrizko Ordainketa Kontuaren Doakotasunaren Eskaria (Eskuratu dokumentua)
BEZEROARENTZAKO ARRETA ZERBITZUA
Kontuarekin edo zerbitzuekin lotutako edozein gairekin ados ez badaude, bezeroek idazki bat bidali ahal izango dute helbide honetara:
Kutxabank - Bezeroarentzako Arreta Zerbitzua
Kale Nagusia 30-32, 4. solairua
48009 Bilbo
Ebazpenarekin ados ez badago edo, behin aplikatu beharreko araudian ezarritako epeak igarota, ebazpenik egin ez bada, titularra Espainiako Bankuaren Erreklamazioen Zerbitzuarekin jar daiteke harremanetan; hala ere, aldez aurretik erreklamazioa erakundeko Bezeroarentzako Arreta Zerbitzuaren aurrean aurkeztu beharko du nahitaez.
Kontu korrontea gordailu bat da, eta dirua berehala sartzeko eta ateratzeko aukera ematen dizu, inolako penalizaziorik gabe. Gainera, zure nomina eta ordainagiriak bertan helbideratuz gero, oinarrizko zerbitzu batzuk izango dituzu, egunerokotasunean erabiltzeko.
Dokumentu honen helburua da eskaintzen dizugun produktuaren ezaugarriak era egokian ulertzea eta merkatuan dauden beste batzuekin alderatzea. Halere, zerbait ez baduzu ulertu, galdetu lasai. Dokumentu hau irakurtzea gomendatzen dizugu, eta gogorarazten dizugu gorde dezakezula.
Normalean, ez dago beste produktu batzuk kontratatu beharrik, nahiz eta praktikan ohikoa den beste batzuekin konbinatzea bere eraginkortasuna hobetzeko (online Banka, txartelak, etab.) edo hobariak aplikatzeko. Lehenago, kontsultatu ea produktu hauek kosturen bat duten eta eskatu kontratua egin aurreko informazioa.
Kontuaren interesei, komisioei eta gastuei buruzko informazioa kontratuaren dokumentuan irakur daiteke. Aholkatzen dizugu komisioei buruzko informazio dokumentua (kontratua egin aurreko informazioarekin batera dago) irakurtzea, zeren bertan ikusi ahal izango dituzu ordainketa kontu bati lotutako zerbitzu adierazgarrienen zerrendako komisio guztiak.
Horrez gain, gure webgunean eta Espainiako Bankuaren webgunean sar zaitezke, eta banku-erakundeek hiru hilean behin eragiketa ohikoenen komisioei eta ohiko tasei buruz ematen duten informazioa eskuratu.
Urteko Tasa Baliokidea da. Hau da, produktu finantzario baten kostua edo errendimendu efektiboa adierazten duen interes tasa da. UTB formula matematiko normalizatu batekin kalkulatzen da. Formula horrek kontuan izaten ditu eragiketaren interes tasa nominala, ordainketen maiztasuna (hilekoak, hiruhilekoak, etab.), bankuaren komisioak eta eragiketaren gastu batzuk.
Egoera bereziki ahulean edo finantza-bazterketako arriskuan bazaude, oinarrizko ordainketa-kontuaren doakotasuna aitortzeko eska diezaiokezu bankuari. Horretarako, gure webgunetik deskargatu daitekeen eskaera-formularioa bidali behar diozu bakuari.
Bezeroa egoera bereziki ahulean edo finantza-bazterketako arriskuan dagoela joko da honako kasu hauetan:
a) Urteko eta familia-unitateko diru-sarrera gordinek ez badituzte muga hauek gainditzen:
1. Hamabi ordainsariko efektu anizkunen errenta-adierazle publikoa 3 bider, familia-unitate bateko kide ez diren pertsonak badira. Eskaera egiteko unean indarrean dagoen adierazlea hartuko da kontuan.
2. Adierazle hori 3,5 bider, lau kide baino gutxiagoko familia-unitatearen modalitateren bateko kide diren pertsonak badira.
3. Adierazle hori 4 bider, lau kide edo gehiagoko familia-unitateak badira, edo indarreko araudiaren arabera familia ugariaren izaera aitortuta badute.
4. Adierazle hori 4 bider, % 33ko edo gehiagoko desgaitasun-maila duen kideren bat duten familia-unitateak badira, eta desgaitasun-maila hori ofizialki aitortuta badago, Adinekoen eta Gizarte Zerbitzuen Institutuaren edo autonomia-erkidegoetako organo eskudunaren erabakiaren bidez.
b) Familia-unitateko kideek ez badute ohiko etxebizitzaz bestelako ondasun higiezinen gaineko benetako eskubiderik edo titulartasunik (ez zuzenekorik, ez zeharkakorik), ez eta merkataritza-sozietateen gaineko benetako titulartasunik ere.
c) Pertsonen salerosketaren edo sexu-esplotazioaren biktima bada. Kasu horretan, ez ditu aurreko baldintzak bete beharko.
