Kudeaketaren Ikuspegia eta Jardunaren Adierazleak
Finantza-dimentsioa
Akziodun Politikoak
FS10: Erakundearen zorroaren barruko enpresen ehunekoa eta kopurua, zeinekin Erakundeak elkar eragina izan duen gizarte eta ingurumen arloetan.
2013an Kutxabankek eragin sozial argia duten enpresa-proiektuetan parte hartzen jarraitu du, bereziki, EKARPEN S.P.E., S.A. proiektuan. Partaidetza Industrialen Fondoa da, Eusko jaurlaritzak, Foru Aldundiak eta Kutxabankek berak bultzatutakoa, eta bere helburua Euskadiko enpresa sarea dinamizatzea da. Kutxabanken inbertsioa guztira, azken lau urtean, 60 milioi eurokoa izan da. Gaur egun Kutxabankek EKARPENen duen akzio partaidetza %44,44koa da.
FS11: Gizartea eta ingurumen "screening" positibo eta/edo negatibora lotutako aktiboen ehunekoa.
Kutxabankek inbertsio-helburu dituen enpresen hautatze-prozesuan, erabakiak hartzean kontuan hartuko diren EGE alderdi positiboak eta baztertzeko arrazoiak zehazten dira.
Enpresa Gizarte Erantzukizunaren (EGE) ikuspuntutik positibo baloratzen diren alderdiak honakoak dira:
- EGE arloko ziurtagiria duten enpresak
- Ingurumen eragin positiboak dituzten sektoreak (energia berriztagarriak, eta abar)
- Garapen aldeko eragileak:
- Sortzen duen enplegua: bolumena eta egonkortasuna
- Enpresak beste enpresa batzuekiko duen erakarpena eta trakzioa (hornitzaileak, bezeroak, etab.)
- Gune erorian ezartzea
Partaidetza baztertzeko arrazoien artean honakoak daude:
- Enpresa horretan langileen oinarrizko eskubideak errespetatzen ez diren susmorik badago.
- Indarrean dauden ingurumen arauak betetzen ez dituzten jarduerak.
- Jarduera horietan giza eskubideak errespetatzen ez diren herrialdeetatik produktuak inportatzen dituzten susmoa badago, hau da, euren legedia OCDE edo Lanaren Nazioarteko erakundearen jarraibideetara egokitu ez duten herrialdeetatik, edo inportazio hau eskubide hauek betetzen direla bermatzen ez duten enpresen bidez burutzen bada.
- Armak edo lehergaiak gudan dauden herrialdeei saltzen dizkieten jarduera bereziak.
FS12: Gizarte eta ingurumen arloko gaiei ezarritako boto-politika, erakunde informazio-emaileak gai hauen gainean boto-ekintzen edo boto-aholkuen eskubidea duenean.
Erakundeak boto eskubidea duen gizarte eta ingurumen arloko gaiei dagokienez, ez da boto-politikarik ezarri.