Ekonomia eta Finantza Informazioa
Balantzearen Analisia
Baliabide propioak
Kutxabank Espainiako finantza-sistemaren erakunde kaudimendunena dela esan dute eta Europako lehenengoen artekoa
Kutxabanken ondare garbia 5.024 milioi eurora igo da, eta horri esker, finantza-sistemako erakunde kaudimendunenen artean jarraitu du. 2014an, kapitalari buruzko araudi berria sartu da indarrean (CRD IV / CRR), beraz Basilea IIIko akordioak araudi komunitariora lekualdatu ditu. Kapital kantitate eta kalitate terminotan zorrotzagoa den araudi berri honen mendean ere, Taldearen kaudimen ratioak sektorearen lehenengoak dira, %12,7ko Core Capital “phased in” ratioa lortu baitu (%12,5 bere “Fully Loaded” bertsioan) eta orotarako kaudimen koefizientea %13,1ean kokatu da. Komeni da gogoraraztea hori guztiori inolako diru-laguntza publikotara jo barik lortu dela, ezta kapital erakartzeetara ez merkatuan, eta are gutxiago bezeroen artean, kokatutako tresna hibridoetara ere. Kokapen sendo horrek Espainiako finantza-sistemako erakunde kaudimendunena izatea ahalbidetu dio Kutxabanki, eta Europako lehenengoen artekoa, Europako Banku Zentralak, Europako Banku Agintearekin lankidetzan, Europako 130 kreditu-erakunde nagusienei egin dien banku ebaluazio-prozesu globalaren (“Comprehensive Assessment”) emaitzen arabera.
| Mila € | 2014 | 2013 | 2013 aj | %Δ | %Δ aj |
|---|---|---|---|---|---|
| Fondo propioak | 4.646.848 | 4.676.556 | 4.535.480 | (0,6) | 2,5 |
| Kapital soziala | 2.060.000 | 2.000.000 | 2.000.000 | 3,0 | 3,0 |
| Jaulkipen prima | - | 2.545.553 | 2.545.533 | - | - |
| Erreserbak | 2.449.023 | 22.684 | (79.107) | n.s. | n.s. |
| Taldeari egotzitako emaitza | 150.325 | 108.319 | 69.034 | 38,8 | 117,8 |
| Konturako dibidendua | 12.500 | - | - | - | - |
| Balorazioagatiko doiketak | 365.352 | 223.402 | 223.402 | 63,5 | 63,5 |
| Gutxiengodunen interesak | 12.295 | 12.612 | 12.612 | (2,5) | (2,5) |
| Ondare Garbia | 5.024.495 | 4.912.570 | 4.771.494 | 2,3 | 5,3 |