Nola eskatu mailegua online azkar eta paperetan galdu gabe

Hozkailua konpondu, galdara berria erosi edo hezetasuna darion leihoa kendu eta berria jarri: urtero ezusteko bat baino gehiago gainditu behar izaten dugu eta horrek, garaiaren arabera, gure finantzen orekari kalte egin ahal dio. Baina, era berean, apetak eman eta auto berria edo egongelarako chaiselongue bat erosteko zein ametsetako oporrak kontratatzeko gogoz ibil gaitezke… betiere, horregatik estualdi batean sartu behar izan gabe.

Egoera horiei eta antzeko beste batzuei aurre egiteko, Kutxabankek kontsumorako mailegu batzuk jarri ditu zure esku. Horiei esker, edozein gorabehera bideratu ahal izango duzu eta ondo merezita duzun hobekuntza horretaz gozatu ahal izango duzu, diruz larri ibili gabe.

Eta, gainera, bizkor, erraz eta azkar egin dezakezu: Banka mugikorraren eta Online Bankaren bidez kontrata ditzakezu, besterik gabe. Horrela, ez duzu zertan bulegora etorri, abalak eman edo izapide zailak formalizatu. Hori baino ez: mugikorretik edo etxeko ordenagailutik, Kutxabankeko bezeroen herenak baino gehiagok banku-zerbitzuak kontratatzerakoan egiten duen bezala. Jakin nahi duzu nola egin?

Kutxabanken Efektibo Mailegua Kutxabankekin duzun harremanaren arabera aurrez onartutako mailegu pertsonala da. Berehala egongo da zure esku behar duzun zenbatekoa, paperetan galdu gabe. Mailegu honekin 60.000 euroraino jaso ditzakezu, zain egon gabe eta izapideak egin gabe. Aurrez onartutako zenbateko hori nahi duzun hori egiteko erabili ahal izango duzu: masterra kontratatu, oporrak finantzatu edo beste beharrizan eta apeta batzuk. Mailegu hau Kutxabankeko App mugikorretik edo Online Bankatik eskura dezakezu. Eman beharreko urratsak berdinak dira bi kasuetan:

1. Sakatu kreditua aurrez onartuta duzula adierazten dizun bannerrean, edo aplikazioaren Menutik Maileguen atalean sartu.

2. Ondoren, mailegu-eskabidearen datuak bete behar dituzu, besteak beste, honako hauek: eskatutako maileguaren dirua zertarako erabiliko duzun (autoa, etxea berritzea, etxetresna elektrikoak, bidaiak, ikasketak, osasuna, etab.); kopurua; ordaintzeko epea eta dagokion kuota-kopurua, gehienez ere 84 hilabetekoa; eta dirua jasotzeko erabili nahi duzun kontu-zenbakia.

3. Sinatu eragiketa… eta kitto!

Zure asmoa Autorako Mailegua eskatzea bada, prozedura berbera jarraitu behar duzu, baina hura erosteko helburua justifikatzen duen proformako faktura erantsita.

Ingurumenari buruzko kontzientzia hartzeak energia eta baliabide naturalen erabilera arduratsuagoa dakar. Horrela planetaren egoera hobetzea susta dezakegu. Eta garapen jasangarriaren aldeko hautua egin dutenentzat, Mailegu Berdea ere daukagu. Hari esker, ibilgailu ekologikoak (elektrikoak, hibridoak, energia berriztagarriez dabiltzanak) erostea finantzatzeko edo etxe-berritze jasangarriak egiteko aparteko onurak izan ditzakezu, esate baterako: kontsumoan aurrezteko hobekuntzak; dirua alperrik ez xahutzeko eta energia ez galtzeko fatxaden eta leihoen isolamendua; berokuntzako aparailuak, etxetresna elektrikoak eta argiteria eraginkorragoak diren beste gailu batzuekin ordeztea. Mailegu hori ere kontratatzen erraza da eta eskuratutako diruari emango diozun helburua justifikatzeko faktura ere aurkeztu beharko duzu.

Online maileguak Kutxabankek kanal digitalak erabiltzearen alde hartutako hautuaren barruan daude. Horrela, finantza arloan izan ditzakezun beharrizan guztiei edozein egoeratan erantzuteko moduan egongo gara, metodo seguru eta eraginkor honen bidez.