Gizarte jarduketa

Gizarte ekintza eta boluntariotza

2015. urtean boluntariotza korporatiboko hainbat ekintza burutu dira, Kutxabankeko langileen parte-hartzea sustatzeko eta ingurumenarekiko zein gizartearekiko sentikorragoak izan daitezen. Horiei esker, erakundeko 200 langile baino gehiagok, beren lanaldiaren barruan, boluntariotzako ekintzetan parte hartu zuten. Adibidez, odol-ematean.

‘Kutxabank Basoa’ izeneko ekimenean, 60 langilek eta erakundearen zenbait bezerok 300 zuhaitz autoktono landatu zituzten Axpen. Espezie horien artean zeuden, besteak beste, haritzak, urkiak eta elorri zuriak. Kutxabankek Lurgaia Fundazioarekin batera egin du proiektu hori, hau da, ondare naturalaren kontserbazioa eta kudeaketaren alde lan egiten duen irabazi asmorik gabeko erakunde pribatuarekin.

Kutxa Fundazioak odola ateratzeko urteko jardunaldiak sustatu ditu, eta horietan hartu dute parte Bankuko langileek. Horiei esker, 190 eta 215 donazio bitartean lortzen dira urtero. Horrez gain, Alboan Fundazioaren laguntzarekin, telefono mugikorrak biltzeko kanpaina ere antolatu du.

Ekimen hori 2004an abiarazi zen. Bere helburua erabiltzen ez diren gailuak birziklatzea da, horren bidez lortutako baliabideak gizaldeko eta lankidetzako proiektuetan erabiltzeko. Eta, bide batez, Ingurumena zaintzen laguntzeko. Ekimenarekin lortzen diren irabaziak komunitate txiroenetan eta kolektibo ahulenekin egiten diren hezkuntza, gizarteratze eta garapen proiektuetara zuzentzen dira.

Hona hemen burututako ekintzen zerrenda:

Izena	Data
Mugikorren bilketa 2015	2015/01/16
‘Kutxabank Basoa’ edizio berria	2015/03/05
Mugikorrak biltzeko kanpainaren emaitza	2015/03/11
Odol-ematea 2015	2015/04/23
Odol-emateak	2015/05/11
Egin zaitez odol-emaile!	2015/06/22
Migrazio-larrialdia	2015/10/07
Vide Grenier	2015/10/22
Odol-emateak	2015/11/19
Pagasarrirako ibilaldiaren antolakuntzan parte hartu nahi al duzu?	2015/11/24
Pagasarri: boluntariotza korporatiboa eta izen-ematea	2015/12/03
Zuhaitz landaketa	2015/12/07