Gizarte lana

Uztarketa neurriak eta gizarte etekinak

Kutxabank eta Cajasur

2018. urtean, Kutxabankeko II Hitzarmen Kolektiboaren indarraldia amaitu zen, 2017ko martxoan mahai negoziatzailearen % 53,84ko ordezkaritzarekin sinatu zena; 2019an zehar aurreraeraginean zegoen. Geroago, 2019ko azaroaren 11n hartutako Erabaki Kolektiboan hitzartuari jarraikiz, aurreraeragina 2020ko abenduaren 31ra arte luzatzea adostu zen. 2020ko abenduaren 29an, aurreraeraginaren luzamendu berri bat onartu zen, 2021eko martxoaren 31ra arte, eta ordura arte iraungo du Kutxabanken III. Hitzarmen Kolektiboaren negoziazio-prozesuak.

2019an lortutako Hitzarmen Kolektibo horrek Kutxabank S.A.-ko langileen deskonexio digitalerako eskubidea arautzen du.

Ildo horretan, langile bakoitzak jarduera profesionalari eta esparru pertsonal edo familiarrari eskainitako denboraren arteko muga argiak bermatzen dira, baita atsedenaldiak, oporraldiak edota baimenak ere; eta Kutxabanken gailuak eta baliabide digitalak erabiltzeari buruzko hainbat arau ezarri dira.

2020/12/3an, BOEn 2020/11/23 Ebazpena argitaratu zen, Lanaren Zuzendaritza Nagusiarena, Finantza Kutxa eta Erakundeentzako Hitzarmen Kolektiboa erregistratzen eta argitaratzen duena, 2023/12/31ra arte indarrean egongo dena.

Kutxabank eta Cajasurreko langileen gizarte-irabaziak aipatu hitzarmenetan ezarritako baldintzekin lotuta daude. Esparruak ez ditu bereizten haien aplikazioa jardunaldi mota baten arabera, beraz, ez dira aldeak bereizten lanaldi osoko eta lanaldi murriztuaren arteko pertsonen artean.

Hitzarmen hauek zehazten dute, Kutxa bakoitzetik datozen langileek bakoitzaren jatorriko Erakundean ezarritako gizarte-irabaziak izateko eskubidea noiz izango duten.

Irizpide berarekin, jatorriko Kutxan, Sozietate berrira sartzen den unean martxan dauden eragiketei ezarritako finantzaketa-baldintzak aplikatzen jarraitzen dira, iraungi arte.

• Seme-alabentzako laguntzak, 23 urtera arte.
• Elbarritasuna duten seme-alabentzako laguntzak.
• Langileen ikasketa-laguntzak.
• Bizi aseguruak.
• Maileguak lehentasunezko baldintzekin.

Iraupen zehatz baterako kontratatzen den edozein pertsonari iraupen mugagabean dauden pertsonen eskubide berdinak aitortzen zaizkio, baldin eta bere izaeragatik, langile finkoen taldearen parte ez bada, hala nola, gizarte-aurreikuspen osagarria eta langileentzako maileguak eta halakotzat har daitezkeen beste eskubide batzuk.

Halaber, 2017 urteaz geroztik, praktika-kontratu hezigarrien bidez, langileekiko tratamendu hau zabaltzea erabaki zen.

Bestetik, hurrengo araudia aipatu beharra dago behin betiko mugikortasun geografikoko kasuetan, erreferentzia gisa, 120 km-ko distantziatik gora etxebizitza eramatea beharrezkoa duten kasuetan, alegia: kaltetutako pertsonak eskubidea izango du gauzatuko den eguna baino 30 egun lehenago jakinarazia izateko, eta 5 eguneko ordaindutako baimena izango du, ordeztu ahal izango dena eta ezingo dena metatu Entitate bakoitzean egon daitezkeen besteekin. Hitzarmen kolektiboetan ez da zehazten beste aurreabisurik.

Pentsioen konpromisoei dagokienez, Kutxabank eta Cajasurrek langileekin epe luzerako hartutako enplegu-ondorengo konpromisoei aurre egiten die, beren balantzeko kontabilitate-horniduren bitartez, edo hauek kanporatzearen bitartez, aurreikuspen boluntarioko erakundeen bidez edo aseguru-polizen bidez, indarrean dagoen araudia betez. Prestazio mugatuen konpromisoek Erakundearentzako finantza-arriskua dakarte eurekin eta teknika aktuarialetan oinarrituz balioztatzen dira, zeintzuek obligazioaren balioaren zenbatespen fidagarri bat egiteko aukera ematen duten. Era berean, aipatu obligazioak estaltzen dituzten aktiboen zentzuzko balioaren zenbatespenak egiten dira, indarrean dagoen araudia eta arriskuaren kudeaketa zuhurraren irizpidea jarraituz. Enplegu-ondorengo prestazio mugatuaren obligazioen guztizko balioa, 2020ko ekitaldiaren amaieran, 515.794 milaka eurokoa zen.

Zenbatespen hau egin ahal izateko, finantza/kontabilitate araudiak zehaztasunez arautzen ditu balioztapen fidagarri eta zuhur bat egiteko estandarrak, eta era berean, kontrol-sistemak ezartzen ditu; hauen artean, Taldearen kanpoko enpresa homologatuen balioztapen eta ikuskaritza prozesuak aurki daitezke. Bestalde, erakundeek euren kontrol eta egiaztapen sistemak dituzte hartutako ondare arriskuaren kudeaketa zuhur bat egiteko, ezarritako tolerantzia mailari behean eutsiz. Azkenengo kalkulua 2020aren amaieran egin zen. Araudiak gutxienez urtean balioztapen bat egitera behartzen du, hala ere, kontabilitatearen eta arriskuaren kontrol eta jarraipenaren barne-protokoloen baitan, orokorrean, hiru hilez behingo kalkuluak egiten dira.

Kutxabank eta Cajasurreko pentsioen konpromisoak aurreikuspen boluntarioko erakundeen ondarearekin estalita daude, edo bestela, aseguru-konpainiekin hitzartutako polizetako sarien ordainketarekin (gutxienez, zati bat), baita erakundearen ondarearekin ere, beharrezko hornidurak eginez.

Ekarpen zehatzaren konpromisoetan, Kutxabankek eta Cajasurrek urteroko ekarpenekin laguntzen dute, zeintzuek hitzarmenean araututako kategoria baten % 6 hartzen duten, edo pertsonaren ondarearen % 5,5 eta % 6, hurrenez hurren. Halaber, ekarpen zehatzeko aurreikuspen-plan batzuetan, langileak ekarpen boluntarioak egiteko aukera izango du, zeintzuen urteko zenbatekoa oinarrizko soldataren % 4aren baliokidea izango den, Erakundeak eginiko urteko ekarpenaren mugarekin.

Gainera, tradizioz, aurretiko erretirorako hainbat plan jarri dira martxan eta, era horretan, erretirorako iragatea aurretiaz errazten da. Plan hauek eskuratzeko baldintzak araupetuta daude adin eta antzinatasun jakin batetik aurrerako langile guztientzat. Azken urteotan, aurretiko erretirorako plan hauetarako atxikimendu-mailak kolektibo hartzaileen % 95era hurbildu dira.

Fineco Taldea

Fineco Taldeko langileen onura sozialak Bulegoen Hitzarmen Kolektiboan zehaztutako baldintzei dago lotuta. Langileen % 100 sartzen da Hitzarmen Kolektibo horretan. Are zehatzago, langileei hitzarmen kolektibo desberdina aplikatuko zaie aien bulegoen kokapenean oinarrituta:

• BIZKAIKO HITZARMEN KOLEKTIBOA (Azken aplikagarria: 2009-2012. Amaitu da).
• GIPUZKOAKO HITZARMEN KOLEKTIBOA (Azken aplikagarria: 2006-2009. Amaitu da).
• MADRILGO ERKIDEGOKO HITZARMEN KOLEKTIBOA (Azken aplikagarria: 2013-2018. Amaitua eta Aktibo).
• NAFARROAKO HITZARMEN KOLEKTIBOA (Azken aplikagarria: 2015-2018. Amaitua eta Aktibo).

Esparruak ez ditu bereizten haien aplikazioa jardunaldi mota baten arabera, beraz, ez dira aldeak bereizten lanaldi osoko eta lanaldi murriztuaren arteko pertsonen artean.

Kontratu finkoko langileentzat onura sozial garrantzitsuenak eta ohikoenak hurrengoak dira, besteak beste:

• Aseguru Medikoa.
• Enpresako telefono mugikorra.
• Prestakuntza eta Masterrak.
• Kutxabank produktuak lehentasunezko baldintzekin.
• Bulegoetan fruta ekologikoa eskuragarri egotea langileentzat.

Covid-19 efektuak berekin ekarri du langileei gizarte-onura berriak eskaintzea:

• Langileen "osasun integralaren" plana: emozionala, fisikoa, nutrizionala, kanpoko adituen laguntzaz.
• Hala behar duten langileei maskarak ematea, tenperatua neurtzea eta eskuen higienerako produktuak banatzea.
• Langileei Covid-19 hautemateko probak egiteko aukera erraztea IMQ zentroetan.

Onura sozial horiek ez zaizkie oraindik hedatu praktiketako prestakuntza kontratuak dituzten langileei.

Deskonexio digitalaren eskubidea Datu Pertsonalen Babesaren eta Eskubide Digitalen Bermearen Lege Organikoan (DPBEDBLO) txertatu da, atsedenerako denbora bermatzeko eta pertsona eta familia-mailako intimitatea errespetatzeko. Legalki, Fineco Taldeak aplikagarri zaizkion hitzarmen kolektiboetan ezarriari jarraitzen dio, eta horrez gain, deskonexio digitalaren politika zehatzak ezartzen ditu, esaterako, erabiltzen duen transakzio-aplikazioa ordu batetik aurrera erabili ezin izateko programatzea. Helburua, alde batetik, atsedenerako denbora bermatzea eta pertsona eta familia-mailako intimitatea errespetatzea da, eta bestetik, neke informatikoa saihestea eta, ondorioz, neurri batean, aro digitalak eragindako estresa murriztea. Fineco Taldeak honako ideiarekin lan egiten du: laneko deskonexioaren politika on batek epe luzerako ekoizpena hobetzeaz gain, bere langileen ongizatea eta osasun onaren iraunkortasuna hobetzen du.

Kutxabank Gestión

2019 urtean, 2017ko irailaren 12an harpidetutako Lan-akordioko edukien berritzea sinatu zen, 2019ko abenduaren 30ean sinatu zenetik ondorioak izanik, eta 2020ko abenduaren 31ra arteko iraunaldiarekin. Kutxabank Gestión-en Lan-akordioa, zeina 2017ko irailean mahai negoziatzailearen % 100eko ordezkaritzarekin izenpetu zen; mahai horretan, Kutxabank Gestión-eko langileen lan-baldintzak eta aplikatu beharreko erreferentzia-markoa eta araudia ezarri ziren. Lan-akordioan aurreikusita ez dagoenari dagokionez, Bizkaiko Bulegoen Hitzarmenean ezarritakoaren menpe egongo da.

Kutxabank Gestión-eko langileen gizarte-irabaziak Lan-akordioan / Hitzarmenean ezarritako baldintzekin lotuta daude. Esparruak ez ditu bereizten haien aplikazioa jardunaldi mota baten arabera, beraz, ez dira aldeak bereizten lanaldi osoko eta lanaldi murriztuaren arteko pertsonen artean.

Kontratu finkoko langileentzat onura sozial garrantzitsuenak eta ohikoenak hurrengoak dira, besteak beste:

• Mediku-iguala kolektiboa.
• Gizarte Segurantzako prestazioen osagarria LEI edo amatasunagatik.
• Maileguak lehentasunezko baldintzekin.
• Nahi denean hartu ahal izango diren egun libreak eta beste egun bat Langileen Estatutuko 37. artikuluko kasuentzat.

Iraupen zehatz batekin kontratatutako edozein pertsonari aldi baterako langileei errekonozitzen zaizkien eskubide berberak emango zaizkio, langile finko direnentzat bereziki direnak izan ezik, iguala medikua, esaterako.

2019ko abenduaren 30ean sinatutako lan-hitzarmenak deskonexio digitalari dagozkion konpromisoak barne hartzen ditu.

Kutxabank Gestión-ek lanorduetatik kanpo deskonexio digitalerako eskubidea bermatzen die langileei. Ildo horretan, Kutxabank Gestión-eko langileek lanorduetatik kanpo jasotako komunikazioei (telefono bidez, posta elektronikoz, mezularitza-aplikazioen bidez, etab.) ez erantzuteko eskubidea daukate, kaltetutako pertsonari jakinarazitako enpresa-interes handia duten ohiz kanpoko egoerak gertatzen direnean izan ezik, erantzun ezean, enpresa-kalte larri bat eragin dezaketenean.

Libre egoteagatik gehigarri ekonomiko bat jasotzen duten langileei ez zaie aurrez aipatua aplikatuko. Deskonexio digitalerako eskubidea erabiltzen duen pertsona batek ezingo du ondorio negatiborik jasan, eta ildo berean, inola ere ez da erabiliko diziplinazko ekintza-zigortzailerik.

Kutxabank Seguros

Aseguru Erakundeentzako Estatu-mailako Hitzarmen Kolektibo Orokorra lau urterako sinatu zen (2016-2019). Kutxabank Seguros-en Akordio Sozioekonomikoa ere garai bererako sinatu zen eta Estatu-mailako Hitzarmenari hobekuntzaren bat gehitzen dio.

2020. urtean zehar, Estatu-mailako Hitzarmen Kolektibo Orokor berriaren negoziazioa hasi zen eta oraindik ez da amaitu, beraz, negoziazio-aldian zehar, aurreko hitzarmenaren indarraldiarekin jarraitzen da. Negoziazio-urte bat igaro ondoren, oraindik Hitzarmen berria adostu ez denez, sei hilabete gehiago luzatu da. Halaber, Akordio Sozioekonomikoa ere luzatu egin da, ez baitu salaketarik izan.

Hurrengo koadroan hitzarmena jarraitzen duten langileen portzentajea bildu dugu:

Kontratu finkoko langileentzat onura sozial garrantzitsuenak eta ohikoenak hurrengoak dira, besteak beste:

• Bizi asegurua.
• Ekarpen zehatzeko asegurua.
• Gizarte Segurantzako prestazioen osagarria LEI edo amatasunagatik.
• Istripuetarako asegurua.

Iraupen zehatz batekin kontratatutako edozein pertsonari aldi baterako langileei errekonozitzen zaizkien eskubide berberak emango zaizkio, langile finko direnentzat bereziki direnak izan ezik.

Higiezinen Taldea

Higiezinen Taldeko langileak honako hitzarmen kolektiboen menpe daude:

• CPCE Donostiako langileak Gipuzkoako Bulegoen Hitzarmenaren baitan daude,
• CPCE Esteponako langileak Malagako Eraikuntzako Hitzarmenaren baitan daude eta
• Golf VR-ko langileak estatu-mailako kirol-instalazioen eta gimnasioen hitzarmenaren baitan daude.

Aipatu hitzarmenetan ez da gizarte-irabazirik jasotzen.

Gesfinor

>p>Gesfinorren langileen onura sozialak Bizkaiko Bulegoen Pronintziako Hitzarmen Kolektiboan zehaztutako baldintzei dago lotuta. Iraupen zehatz batekin kontratatutako edozein pertsonari, praktiketako kontratuarekin prestakuntza kontratua dutenak barne, aldi baterako langileei errekonozitzen zaizkien eskubide berberak emango zaizkio, langile finko direnentzat bereziki direnak izan ezik.

Norbolsa

2020ko urtarrilean, Norbolsaren egungo Hitzarmen Kolektiboa sinatu zuen negoziazio-mahaiko ordezkaritzaren % 100ak.

Norbolsaren langileen onura sozialak Hitzarmen honetan zehaztutako baldintzei dago lotuta. Esparruak ez ditu bereizten haien aplikazioa jardunaldi mota baten arabera, beraz, ez dira aldeak bereizten lanaldi osoko eta lanaldi murriztuaren arteko pertsonen artean.

Kontratu finkoko langileentzat onura sozial garrantzitsuenak eta ohikoenak hurrengoak dira, besteak beste:

• Elbarritasuna duten seme-alabentzako laguntzak
• Bizi aseguruak