Gizarte lana

Gizarte ekintza eta boluntariotza

Kutxabank eta Cajasur

2020a oso urte berezia izan da pertsona guztientzat. Pandemiak pertsonen bizitza, esparru ekonomikoa eta bankuaren gizarte-jarduera asaldatu ditu. Kutxabankekin eta Cajasurrekin edo bere Fundazioarekin batera egin ohi diren jarduera asko ezin izan dira egin aurten. Beste jarduera batzuetan, edukiera edo parte-hartzaileen kopurua murriztu behar izan da, edo kanal digitalak erabili behar izan dira jarduerak urrutitik egin ahal izateko. Adibidez, "Finantzak Bizitzeko" programa, hezkuntza-zentroetako aurrez aurreko presentzia eta bide digitala (urrutiko ikastaroa) konbinatuz gauzatu ahal izan dena.

Programa simulazio joko oso parte hartzaile batean oinarritu da, 14 eta 17 urte bitarteko ikasleei zuzendua, zeinarekin oinarrizko finantza gaitasunak barneratzen dituzten, heldu direnerako, eta euren ondarea modu seguruan kudeatzen ikasteko eta finantza sistema ulertu eta hark eguneroko bizitzan dituen eraginak ulertzeko. Simulazioen bitartez, finantza erabaki egokiak eta arduratsuak hartu beharko dute aurkeztuko zaizkien hainbat egoera konplexutan.

“Finantzak Bizitzeko” programak ikasgelan lan egiteko material didaktiko guztia ematen die zentroei eta hezkuntza-dinamizatzaileen eta Kutxabankeko adituen (batez ere, bulegoetako zuzendari gazteak) parte-hartzea barne harten dute. Aipatu pertsonak programaren itxiera-egunera joaten dira zalantzak argitzeko, arazo bakoitzerako irtenbide onena argudiatzeko eta ekimenaren helburuak bete diren balioztatzeko. 2019/2020 ikasturtean, osasun-krisia dela eta, itxiera-saio hori bideokonferentzia batez ordezkatu zen.

Covid-19k eragindako osasun-krisiak 2020-2021 ikasturtearen bilakaera markatuko duela aurreikusten denez, "Finantzak Bizitzeko" programak balizko hiru agertoki planteatu ditu prestakuntza-zikoa egin ahal izateko: % 100 aurrez aurrekoa den ikastaroa, aurrez aurreko klaseak eta online saioak tartekatuko dituen agertoki misto bat, eta jarduerak % 100 online izango diren hirugarren aukera bat.

Beraz, 2020 osoan zehar, Kutxabank Taldearen datu orokorrek diote 2.442 ikaslek hartu dutela parte programan, 70 ikastetxeko 126 gelatakoak. Aipagarria da Taldeko 70 profesional aipatu programako hezkuntza-dinamizatzaile gisa aritu izana ere.

2020. urtean, taldeak urrats garrantzitsu bat eman du Boluntariotza korporatiboaren ekintza-kopurua areagotzeko. Kutxabankek, akziodunak diren Banku-fundazioekin batera, gizarte-balio handia duten ekimen berriak hartu ditu bere baitan. Alde batetik, Araba, Bizkaia eta Gipuzkoako Elikadura Bankuekin elkarlanean aritzeko bide bat ireki da eta, bestetik, BBK Fundazioarekiko parte-hartzearen bide bat ireki du, bere esperientziaren eta ekonomia-finantza ezagutzaren arabera aholkatzeko. Honako hauek izan dira gehien nabarmendu direnetako batzuk:

• Kutxa Fundazioa – Zaporeak
  
  Zaporeak GKErn bilketa kolektiboan parte hartu du, Kutxa Fundazioarekin batera, Lesboseko errefuxiatuen kanpalekuan janari beroa banatzeko furgoneta bat erosteko, eta hala, migrazio-larrialdiaren eta larrialdi humanitarioaren ondorioak arintzeko.

• Euskal Herriko Unibertsitatearekin egindako Hitzarmenetik eratorritako boluntariotza korporatiboa
  
  Ildo horretan, Kutxabank Taldeko 8 profesionalek aditu gisa parte hartu dute UPV/EHUko Blockchain Teknologia eta Kriptoekonomiaren masterrean klaseak ematen. Horren bidez, ikasleei blockchain teknologiaren oinarriak eta jakintza horrek gizartean eta industrian duen balioa transmititu nahi zaizkie.
  
  Horrez gain, hitzaldietan lortutako baliabide ekonomikoak beka bat sortzera zuzenduko dira, master berrian izena ematen dutenen artean, pertsona baten matrikula-gastuak ordaintzeko. Azken buruan, bi alderdi dituen boluntariotza korporatiboko ekintza bat da.

• BBK Venture Philanthropy
  
  Halaber, Kutxabankeko hogei bat bitarteko eta goi-agintarik BBK Fundazioaren BBK Venture Philanthropy proiektuan parte hartu dute. Aipatu proiektuak gizarte-eragina duten Bizkaiko startup-ei eta barne-ekintzailetzako proiektuei laguntzen die, horien abiaraztea eta hazkuntza bizkortzeko helburuarekin. Ekimen horrekin errentagarritasun ekonomikoa eta gizartea/ingurumen izaerako errentagarritasuna lortu nahi da, eta egindako boluntariotza balio erantsiari buruzko 3 hilabeteko aholkularitza- eta laguntza-lanetan oinarritu da, profesional-mentore bakoitzak startup parte-hartzaileei eskainitako expertise-ean babestuz.

• Elikadura bankua
  
  Aurten, pandemiak gizarteko geruza zaurgarrienetan inpaktu handi bat eragin du, 16 langilek Elikadura bankuaren bilketa handian kolaboratu dute, bi eratan parte hartuz: dohaintzak eginez edo kanpainara atxikitako supermerkatu, denda eta establezimenduetako parte-hartzea sustatzeko informazioa emanez. .

Osasun-krisia dela eta, aurten ez da ekitaldi jendetsurik egin, eta laguntzen bidezko Kutxabanken ekintza egoerara egokitu da martxoaz geroztik; gure bezeroen osasuna zaindu dugu eta osasun-agintarien gomendioei jarraitu diegu.

Hala, Athletic Club eta Real Sociedad futbol-klubei eta Bilbao Basket eta Gipuzkoa Bastek saskibaloi-klubei emandako laguntzekin jarraitu da. Emakumezkoen Endesa Ligako Kutxabank Araski emakumezkoen saskibaloi-kluba ere txertatu da.

Partidak ate itxiekin egin direnez, ez da sarrerarik zozketatu, baina txandalak, elastikoak eta baloi ofizialak irabazteko aukera zegoen hainbat zozketa egin dira. Bestalde, babestutako klubetako jokalariekin egin ohi diren sinadura-ekimenak bezeroen eta jokalarien arteko topaketa birtualekin ordezkatu dira. Bisita gidatuak sei pertsonako talde murriztuetan egin dira, estadioen araudiak betez.

68. Zinemaldia eta euskal kirolak babesten jarraitu dira, esaterako, Gipuzkoako euskal pilotako Erremontea eta Bizkaia Pilotalekuko Pala Kutxabank liga. Euskal Herriko Pintxo Lehiaketa eta Bizkaiko Zubia ere babestu dira, Unescok gizadiaren ondare izendatua.

BBK Live, Azkena Rock eta Donostia Festibala musika-jaialdiak ezin izan dira egin aurrez aurreko formatu tradizionalean, osasun-murriztapenak direla eta; hala ere, antolatu den formatu digitalean kolaboratu da. Aldiz, kultura urbanoaren Breakonstage jaialdia irailean babestu zen, publikoaren egin baitzen Bilbao Arenan.

Urte hasieran, Amorebieta eta Elgoibarko krosetan parte hartu genuen, eta beste era batzuetako tokiko hirurehun jarduera inguru babestu dira Araban, Bizkaian eta Gipuzkoako.

Beste alde batetik, tokiko merkataritzari eskaintzen diogun babesa aipatu behar da, hainbat erakunde publikok diruz lagundutako bonuen zenbait programa saltzeko, gure plataforma teknologikoaren bitartez. Besteak beste, merkataritzarako Kreoenti-bonoa, Euskadibonodenda, Bizkaia Aurrera Kultur Bonoa, Arabako Bizidendak, Bonobilbao, Getxo bonoa, Bergara bonoa eta Zumaia bonoa.

Kutxabanken ildo berean, Cajasurrek ere hainbat ekitaldi eta ekintza babestu ditu 2020. urtean, baina beste batzuk bertan behera utzi behar izan ditu edo, bestela, hurrengo urtera atzeratu. Hala, honako babesak nabarmendu ditzakegu:

• Córdoba Patrimonio Futsal eta Jaén Paraíso Interior de fútbol-sala.
• Benito Villamaríneko solairuko bezeroekin ekintzak, Real Betis Balompié taldearekin.
• Riff Producciones-en bitartez, Cajasurreko bezeroak, ahal zen bitartean, Miguel Poveda, Loquillo, Ara Malikian, Fuel Fandango, 091 edo M Clan-en kontzertuetan egon ziren.
• González Byass-en eskutik, Andaluzian tradizio handienetakoa duen upeltegi bat espazio gastronomiko ezin hobean bilakatu genuen, gune nagusietan Jerez de la Fronterako jatetxe onenak bilduz.
• Gazteek ere euren espazioa izan zuten Play Digital Fest-ean, non herrialdeko youtuber nagusiak bildu ziren, esaterako, Ibai Llanos edo DJ Mario.

2020. urtean zehar, Cajasurrek Fundación Cajasur eta Fundación Convisur-en bitartez burutu du bere ekintza sozial, hezigarri eta kulturala.

Dirulaguntzen eta laguntzen programa 97 proiektutan hezurmamitu da, hainbat gizarte eta kultura erakundetan burutu dira eta guztira 136.000 pertsona onuradun egon dira. Nagusiki desgaitasunak edo gaixotasunak dituzten pertsonak edo bazterketa-arriskuan dauden pertsonak artatzen dituzten kolektiboei zuzendutako ekintzek, aurrekontuaren % 70a hartu dute eta, gainontzeko % 30a Andaluziako hainbat jarduera garrantzitsutara bideratu da, hala nola, Cosmopoética, Sevillako flamenkoaren bienala edo Huelvako zinemaldi iberoamerikarrera.

Pandemiaren hasieratik, Cajasur Fundazioko langileak Córdoba Social Lab osatzen duten elkarte eta GKE ezberdinekin harremanetan egon dira, kolektibo zaurgarrienen beharrak zehazteko, eta era horretan, lankidetza modu eraginkorragoan bideratu eta koordinatzeko.

Aurten, Andaluziako unibertsitateekin hitzartutako beken programarekin jarraitu dugu, azken mailako ikasleek edo graduatu berri direnek enpresako praktikak egiteko aukera ematen baitu. Ekitaldi honetan, Cajasurrek era horretako hitzarmenak egin ditu eta Kordoba, Jaen, Malaga, Granada eta Loyola Andaluciako ehunka unibertsitate-ikaslerentzat onuragarri izan da.

Horrez gain, "Finantzak Bizitzeko" programa gauzatzen jarraitu dugu, hiriburuko eta probintziako hainbat ikastetxe eta institutuetako DBHko ikasleentzat, betiere, Covid-19k eragindako egoerara egokituta.

Hezkuntzaren Arloan, bere lau zentroetako jarduerari eutsi zaie, hezkuntza bereziko bi eta haur-hezkuntzako beste bi, zeintzuek guztira 200 ikasle dituzten, betiere, osasun-gomendioei uneoro jarraikiz.

Vianako Jauregiak Cajasurren kultura-erreferente izaten jarraitzen du, baina aurten, osasun-egoera dela eta, jarduera murriztu du. Jauregiak pandemiaren ondoriozko turismoaren eta gizarte- eta kultura-jardueraren beherakada handia nabaritu du. Hala ere, bisitei eta programazioari % 25ean eustea lortu du, aurreko ekitaldiari dagokionez, zeinak errekorra hautsi zuen, 200.000 bisitarekin. Beraz, 2020. urtea 49.000 bisitarirekin amaitu zen, osasun-alerta eta agintariek ezarritako murriztapenak kontuan hartzen baditugu, zifra benetan garrantzitsua.

Joan zen ekainean, konfinamenduaren ondorioz bi hilabetetan zehar bisitarik jaso ezinda egon ondoren, ate irekien jardunaldi batzuk ospatzea erabaki zuen, 2.500 sarrera Kordobako herritarren eta bisitari guztien esku jarriz. Horri esker, doako bisita batez gozatu ahal izan zuten, non hamabi patioak, lorategia, gune instituzionala eta zalditegiak ikusi ahal izan ziren. Gabon-garai osoan zehar, eta Cajasur Fundazioaren Aholkularitza Batzordeak eskatuta, Jauregiak doako bisitak eskaini zituen, eta kasu horretan, 4.000 pertsona baino gehiagok bisitatu zuten.

Fineco Taldea

Finecok enpresa jarduerak egiten dituen erkidegoarekiko konpromisoa azaltzen du, batetik, tratatzen dituen eragileekin errespetuzko harremanaren bitartez, eta, bestetik, jarduera osagarriak egiten ingurunean inpaktu positiboak sustatuz.

Hala, hogei urte baino gehiago daramatza Deustuko Merkataritza Unibertsitateko Ekonomia eta Enpresa Zientzien fakultatean (gaur egun, “Deusto Business School”) klaseak ematen; 2020 urtean ere jarduera honekin jarraitu du.

Fakultate horrekin duen harremanaren barruan, Finecok 1.000 eurorekin lagundu zion Lagunarte ikasle elkarteari TEDxUDeusto 2020 ekitaldia egiteko.

Horrez gain, Finecok 3.000 euro eman zizkion haurrei laguntzeko Balia Fundazioari. Bere definizioan oinarrituta, Fundazio honen xedea irakastea eta laguntza soziala eskaintzea da, eta haien jarduera nagusien artean ditugu:

• Desabantaila sozial eta akademikoko egoeratan dauden hainbat hiritartasuneko bi sexuetako prestakuntza bateratua, haurren eta gazteen aukera berdintasuna sustatzeko eta haien barneratze soziala errazteko.
• Familien prestakuntza eta laguntza, lan munduan barneratzea sustatzeko, eta baita familia eta lana bateratzeko, benetako berdintasuna eta eraginkorra sustatzeko emakumeen eta gizonen artean, lan arloan zein sozialean.”

2020. urtean zehar, Fineco Keralty Fundazioarekin kolaboratzen hasi da, 4.000 euroko ekarpen batekin. Fundazioak baliabide urriak dituzten herritarren bizi-baldintzak hobetzen laguntzeko helburua dauka. Bere eginkizuna "bizi-kalitatea, ongizatea eta osasun-baldintzak hobetzeko komunitate-sareak bultzatuko dituzten osasunaren aktiboak indartzeko estrategiak garatzea eta ezartzea" da.

• Zaintza errukiorraren komunitateak: gizarte-sare errukiorren sorrera indartzea, bizitzako azken etapetan dauden edo gaixotasun kronikoak dituzten pertsonei, horien familiako kideei eta zaintza-zirkuluei lagundu ahal izateko.
• Komunitate Landatar Osasuntsuak: sakabanatutako landa-eremuetarako estrategia integralen ezarpena sustatzea, osasuntsuagoak izatea eta ongizate handiagoa izatea ahalbidetuko dienak, beraiek dituzten aktiboak indartuz eta osasun-brigaden laguntzarekin antolatuz.

Kultura jarduerei dagokienez, Finecok “ABAO - Operaren Lagunen Bilboko Elkartea”-ri laguntzen dio 33.000 eurorekin. Elkarlan honek Bilboko eta inguruko musika eta kultura eskaintza sendotzen du eta Bilboko eta Bizkaiko gizartean inpaktu positiboa eragiten du.

2020an, Ciudad de Toledo Futbol Sala Kirol Kluba sustatzen ere hasi da, 750 euroko dohaintza batekin.

Horrez gain, Finecoko hainbat pertsona (beraien kabuz, baina Finecoren ordezkari gisa) Fair Saturday Fundazioak antolatutako “Hesi ikusezinak” mezenasgo programa pilotuan ari dira parte hartzen, zeinak baliabide ekonomikorik ez duten haurrak gizarteratzeko helburua duen, kultura jarduerak baliatuz (musika, pintura, artea, etab.).

Kutxabank Gestión

Kutxabank Gestión-ek Gizartearekiko Arduratsua den Inbertsioaren (GAI) filosofia-eredu baten alde apustu egiten du, zeina bere produktu guztietan aplika daitekeen. Hala ere, Kutxabank Funts Solidarioa izeneko funts solidarioa aipatu behar da, zeinak gizartearekiko arduratsua den inbertsioaren (GAI) irizpideen aplikazioa jasotzen duen, eta gainera, finantza-irizpideez gain, irizpide etikoak eta gizarte-erantzukizun korporatiboaren irizpideak ere aplikatzen dira.

Aipatu Funtsaren ideia etikoa honako irizpideetan oinarritzen da:

• Baztertzaileak: pertsonen funtsezko eskubideak urratzen dituzten edo ingurumenaren, justiziaren edo bakearen aurkakoak diren konpainietan inbertitzea galarazten dute.
• Balioztatzekoak: enpresa baten jarduketa ebaluatzen dute (langileen eskubideei, ingurumenari, enpleguaren sustapenari, etab.-i dagokionez).

Ondarearen % 50-100 GAI (agentzia ezagunen zerrendak) finantza IKEetan inbertitzen da, aktibo gaitua, bateratuak ala ez (bateratuak ez diren IKEetan, gehienez, % 30), kudeatzailearen taldekoak ala ez.".

Gainera, Kutxabank Fondo Solidario-ren liburuxkak dio Kudeatzaileak kudeaketa-komisioaren zati bat (ondarearen gaineko % 0,70 urtean) hainbat fundazio eta elkarteri ematen diela. Etorkizunean, dohaintzaren onuradunak izango diren beste erakunde batzuk ere barne har daitezke, zeintzuen helburuak honakoak izango diren: pobrezia edota gizarte-bazterketa egoeren aurka borrokatzeko jarduketak eta jarduerak erraztu eta sustatzea, aipatu arriskuan dauden pertsonen edo kolektiboen gizarteratzea eta lan-munduan sartzea erraztuz; era berean, kolektibo hauekin lan egiten duten Gizarte Erakundeekin elkarlanean arituko dira.

Jarraian, irabazi asmorik gabeko fundazioei eta erakundeei egindako ekarpen nagusiak biltzen dira:

Kutxabank Seguros

2020. urtean, “Arriskua eta ni” hezkuntza-programaren hirugarren edizioan parte hartzea aurreikusten zen, UNESPAk eta Junior Achievement Fundazioak bultzatzen duten ekimena; Kutxabank Seguros-eko boluntarioek DBHko 3. eta 4. mailako ikasleei zuzendutako ekimen honetan parte hartu dute. Baina Koronabirusaren Pandemiaren ondorioz, aipatu ekimena 2021era atzeratu da.

Programa hauen helburua gazteen prestakuntza osatzea da, finantza eta aseguru arloen hastapenak irakatsiz, dibulgaziozko edukia eta jarduera praktikoak nahasten dituen ekintzen bitartez. Ekintza hauek euren egunerokotasunean dituzten arriskuen inguruko kontzientzia sorrarazteko helburua dute, baita hauen ondorio kaltegarriei aurre egiteko eskuragarri dituzten tresnen inguruan kontzientziatzeko helburua ere.